Ким КардСовремените невести често се одлучуваат за понеобични и неконвенционални свадбени фустани на сметка на традиционалните венчаници од тантела и со долг шлеп. Инспирација позајмуваат од познатите и од личностите кои важат за модни икони, како на пример од триделниот комплет на Оливија Палермо, Соланж во минималистички фустан и наметка од „Кензо“ или индивидуализираниот вел на Анџелина Џоли. Да се потсетиме на најинтересните свадбени изгледи за годината што изминува и на стилскиот избор на познатите невести.
Соланж Ноулс и Алан Фергусон
Пејачката Соланж има специфичен моден стил што се отслика и на нејзиниот избор на венчаница – фустан со едноставен крој и наметка од Умберто Леон од модната куќа „Кензо“, на денот на својата венчавка што се одржа во Њу Орлеанс таа облече и комбинезон од Стефан Ролан, а нејзиниот сопруг Алан и сите гости на свадбата беа исто така облечени во облека во бела боја.
Анџелина Џоли и Бред Пит
По десетгодишна љубовна врска и шест деца Анџелина и Бред конечно се венчаа во нивниот замок „Миравал“ на југот на Франција, а невестата носеше фустан од Atelier Versace, односно венчаница создадена од рацете на Луиџи Маси, еден од мајсторите кројачи во модната куќа „Версаче“ и близок пријател на актерката. Највпечатлив дел беше долгиот вел насликан со цртежи од нивните деца.
Амал Аламудин и Џорџ Клуни
Холивудската ѕвезда Џорџ Клуни се венча со британската адвокатка за човекови права Амал Аламудин во септември во Венеција. Додека тој избра костум од Џорџо Армани, Амал носеше свадбен фустан специјално креиран од славниот дизајнер Оскар де ла Рента.
Оливија Палермо и Јоханес Хуебл
Модната икона Оливија Палермо и нејзиниот долгогодишен партнер манекенот Јоханес Хуебл се венчаа на интимна свадба во јуни во близината на Њујорк. Оливија носеше комплет од Каролина Хехера – отворено здолниште од тул, бели шорцеви и тенок кашмирен џемпер, најавувајќи нов стил на избор на облека за свадба.
Попи Делевињ и Џејмс Кук
Британката Попи направи две свадбени свечености – првата во Лондон на која носеше фустан од колекција на висока мода на „Шанел“, но поинтересна беше втората што се одржа во Маракеш, во ексклузивниот хотел La Mamounia. Во Мароко Попи облече фустан во боемски стил специјално креиран од страна на Питер Дандас од модниот бренд „Пучи“.
Ким Кардашијан и Канје Вест
Помпезна и есктравагантна, свадбата на Ким и Канје беше токму таква како што се очекуваше од самобендисани личности кои сакаат голем публицитет. Ким беше облечена во венчаница од висока мода на „Живанши“, специјално креирана за неа од страна на креативниот директор на брендот и нивен близок пријател.
Нема коментари