Stylist.mk, во соработката со MCF MKD, денеска ќе награди три наши редовни читатели со по две влезници за утрешните (сабота, 20 декември) проекции на новата епска авантура „Егзодус: Богови и кралеви” на славниот режисер Ридли Скот во скопското кино „Синеплекс“. Најбрзите читатели на Stylist.mk, што во inbox на нашата страница на „Фејсбук“ или со коментар под текстот на нашиот сајт, ќе ни набројат барем два филма од режисерот Ридли Скот ќе освојат по две влезници. Добитниците ќе имаат можност со својата придружба да го гледаат филмот утре во сигитал 3Д во термините 12.00, 15.15, 18.10 , 21.00 (Сала 4), 13.30, 16.30, 19.45 (Сала 8) и 22.30 (Сала 7) по избор. Вашите одговори ги очекуваме во текот на денот.
„Егзодус: Богови и кралеви” е приказна за човекот кој бил доволно храбар да се спротивстави на моќта на империјата. Користејќи врвни визуелни и 3Д-ефекти, Скот внесува нов живот во приказната за непокорниот водач Мојсеј (Кристијан Бејл) кој го предводи бунтот против египетскиот фараон Рамзес (Џоел Еџертон), бегството на 400.000 робови од Египет и застрашувачкиот циклус на смртоносната чума.
Егзодусот од Египет е оригинална и комплетна херојска сага. Како и моќната и лична приказна богата со емоции, ривалство, предавство и неуништивата потрага за слобода. Скот забележува: „Животот на Мојсеј е една од најголемите авантури и духовни потраги на сите времиња“. Од воведната битка во која војниците го напаѓаат Хетитскиот табор, до огромните кули, застрашувачката епидемија и раздвојувањето на Црвеното море, Скот ѝ дава личен печат на една од нашите најценети и најважни приказни. „Го сакам сето она што е поголемо од животот”, истакнува Скот. „Знаев што правам со „Гладијатор“, како да го вдахнам живот и чувствата на луѓето од тој период. Со филмот „Егзодус: Богови и кралеви“ сакам да постигнам нешто слично – да ја оживеам египетската култура и Егзодусот на начин кој не е виден порано.”
Режисетот Ридли Скот и главниот актер во филмот Кристијан Бејл за време на снимањето
Скот долго се обидувал да воспостави соработка со Кристијан Бејл. „Кристијан е актер чие присуство на екранот е многу моќно“, вели Скот. Скот го опишува актерството на Бејл како „работа одвнатре“. Тој целосно влегува во ликот од кого го добиваме страствениот водач. Уживав работејќи со него како и со останатите, секој ден ме изненадуваше. Очекував многу, а добив уште повеќе.“
Бејл ја прифатил улогата од повеќе причини: „Имам чувство дека приказната за Егзодусот не е само еден од темелите на многу светски, световни текстови, туку и еден од најдлабоките наративи во човечката историја. Сфатив дека Мојсеј е комплексна личност. Верата го претворила во борец за слобода кој не се плаши од ништо за да ја спроведе божјата волја. Но, тој е и контрадикторен лик: верен, но и сомничав, нерешителен, но со голема самодоверба, војник, но и ослободител, темпераментен, но и стамен.” Актерот додава на кратко: ,,Мојсеј е еден од најфасцинантните ликови кои сум ги проучувал досега”.
Централната врска на филмот „Егзодус: Богови и кралеви“ е помеѓу Мојсеј и Рамзес кои растеле како браќа. Рамзес станува фараон, а Мојсеј негов најверен советник и заменик. Но, кога Рамзес дознава дека Мојсеј е Евреин, го прогонува својот „брат“ во пустината каде го чека сигурна смрт. ,,Рамзес е персонификација на тоа како апсолутната власт во целост ја расипува личноста“, вели Џоел Еџертон кој го толкува Рамзес во филмот. ,,Тој почнува да верува дека е Бог, што создава сјајна динамика меѓу Мојсеј и него.” „Егзодус: Богови и кралеви” е сниман во студиото „Пајнвуд“, Лондон и на локации во Алмеира на југот на Шпанија и Фуертавентура на Канарските острови. Кристијан Бејл го глуми Мојсеј со Џоел Еџертон како Рамзес, Џон Тaртурo како Сети, Бен Кингсли како Нун и Ерон Пол како Џошуа.
Нема коментари