Stylist.mk ве носи на проекција на „Исчезната“ во „Синеплекс“

Stylist.mk во соработката со MCF MKD ќе награди три наши редовни читатели со по две влезници за утрешните (петок, 3 октомври) проекции на новиот психолошки трилер „Исчезната“ во скопското кино „Синеплекс“. Најбрзите читатели на Stylist.mk, што во inbox на нашата страница на „Фејсбук“ или со коментар под текстот на нашиот сајт, ќе ни набројат барем два филма од режисерот Дејвид Финчер ќе освојат по две влезници. Добитниците ќе имаат можност со својата придружба да го гледаат филмот утре во термините 17.00 , 19.50, 22.40   (Сала 6), 18.15, 21.00 (Сала 8),  по избор. Вашите одговори ги очекуваме во текот на денот.

Во филмот „Исчезната“ (Gone Girl),  кој премиерно ќе почне да се прикажува денеска, главните улоги ги толкуваат  Бен Афлек и Розамунг Пајк, потоа Нил Патрик Харис, Емили Ратајковски, Миси Пајл и други. Станува адаптација на светскиот истоимен бестселер кој стана глобален литературен феномен. Романот Исчезната (Gone Girl)веќе се наоѓа на топ листите на најпродавани книги во светот. Книгата, која ги прикажува бракот и медиумите низ призмата на проблематичната економија ја напиша Џилијен Флин, поранешна авторка во списанието Entertainment Weekly, која го напиша и сценариото за филмот. Згодниот брачен пар њујоршки писатели, Ејми (Розамунд Пајк) и Ник (Бен Афлек) се приморани да се преселат во мало градче во Мисури поради финансиската криза и болеста на мајката на Ник. Од хармоничен и среќен пар кој некогаш биле, стануваат несреќни, отуѓени и осудени да живеат во едно од најздодевните места на светот. На денот на нивната петгодишнина, Ник се враќа дома и затекнува превртена маса и неред во дневната соба што укажува на знаци на борба. Сфаќа дека жена му е исчезната и ја известува полицијата. Меѓутоа, набрзо станува главен осомничен за нејзиното исчезнување, а неговите лаги, измами и чудно однесување ги наведуваат сите да си го постават истото мрачно прашање – дали тој ја убил? Случувањата што претстојат се преполни со шокантни моменти и компликации, но прашањата што остануваат се нешто што погодува и наведува на размислување: Кој е Ник? Која е Ејми? Кои сме и какви сме кога сме во брак.

Интервјуто со главниот актер , Бен Афлек, што Stylist.mk вчера го објави во соработка со дистрибутерот на филмот за Македонија, MCF MKD, може да го прочитате тука.