Sublime Nature Tonka Bean – нов впечатлив, префинет и женствен парфем од „Орифлеим“

Шведската козметичка компанија „Орифлеим“ својата колекција на премиум-мириси Sublime Nature ја збогати со нов парфем создаден со ексклузивни состојки од страна на парфимерот Натали Лорсон, а после Sublime Nature Tuberose доаѓа Sublime Nature Tonka Bean. Впечатлив, префинет и женствен, новиот ексклузивен парфем на „Орифлеим“ е на база на зрното тонка од Бразил, а е збогатен со ноти на ванила, цимет и бадем.

Монсунските дождови исчезнуваат во далечината, а пладневното сонце го гали брегот и како да го кити со светкав превез. Топлината на зрното тонка станува се поизразена и го исполнува воздухот со кадифен и раскошен мирис. Несекојдневен миг на природата, со модерна префинетост и аура од свежи зачини. Сместен во елегантно шишенце инспирирано од едноставноста и убавината на природата. Возвишен мирис на зрно тонка, добиен со напредната технологија Sublime CO2. Моќен, заводлив и магичен – вака во „Орифлеим“ го опишуваат овој парфем.

Го пробавме новиот парфем на @oriflame Sublime Nature Tonka Bean, впечатлив, префинет и женствен премиум мирис на база на зрното тонка од Бразил и збогатен со ванила, цимет и бадем. Парфемот може да го најдете во актуелниот каталог на @oriflamemk #sublimenature #oriflame #oriflamemacedonia #sublimenaturetonkabean #парфем

A post shared by stylist.mk (@stylist.mk) on Dec 11, 2017 at 4:16am PST

Зошто е толку посебен овој мирис?

Она што е специфично за овој мирис е токму култната состојка. Скапоценото зрно на тонка расте во влажни услови и најчесто мора да се најде по монсуните. Откако неговото семе ќе биде изложено на сонце, неговиот мирис се засилува и во оваа форма зрното тонка е највозвишено. Со помош на напредната Sublime CO2 технологија, одржлив начин на екстракција, можеме да го доловиме мирисот во неговата најсилна форма.

За Натали Лорсон

Креатор на мирисот е познатиот парфимер Натали Лорсон, која работела на парфеми за Ив Сен Лоран, Долче и Габана и за Робето Кавали. Во декември 2016 година таа се закити со највисоката титула во парфимерството – марјстор-парфимер, титула што ја имаат само 12 парфимери во целиот свет. Визионер во светот на парфимерството и креатор на  Sublime Nature Tonka Bean, Натали својата инспирација ја наоѓа во природата и патувањата. Натали го создаде новиот пафем на „Орифлеим“ со екстракција на етички добиено зрно тонка од Бразил и оваа состојка ја стави во центарот на мирисот за да биде најизразена.

„Зрното тонка е амазонско богатство што ги открива своите богати страни на ванила, бадем, цимет и карамела. Тоа има длабок и интензивен карактер. За мене беше прекрасно да создадам мирис инспириран од убавината на природата. Sublime Nature Tonka Bean е заводлив, но истовремено и свеж. Има воденесто чувство, но истовремено е и интензивен, женствен и префинет“, вели Лорсон.