Кристина Бонансеа
Започнува шеснаесеттото издание на Танц Фест Скопје! Вечерва и утре, со почеток во 20:00 часот, на отворената сцена во парк МКЦ, публиката ќе може да ужива во најголем број авторски претстави на македонските кореографи Адријана Данчевска, Ивана Коцевска, Дејан Битровски, Валентино Апстоловски, Ивана Балабанова, како и апсолвентите на Универзитетот „Гоце Делчев“ – Бобан Русески, Тереза Лазарев и Сара Цветковска. Покрај нив, од танцовиот маратон со кој ќе се одбележи 30-иот јубилеј на македонска современа танцова сцена ќе бидат дел и реномираните американски кореографи Меган Бриџ со претставите “Consent” и “Morphic Resonance” и Кристина Бонансеа со исклучителната “GAMER”, кои ќе се претстават пред публиката во живо, додека делата на Стивен Петронио, Шамел Питс и Даг Верон ќе се прикажат онлајн во рамките на фестивалот, за првпат како дел од програмата ФОКУС:САД.
Меган Бриџ
И покрај новиот амбиент и отворена сцена за годинешното издание на Танц Фест, заинтересираноста на публиката е исклучителна. Влезот за фестивалот е слободен, но со ограничен број на места, согласно протоколите донесени од страна на надлежните.
На фестивалот за првпат ќе биде прикажан и првиот македонски танцов филм „ДОМА“ на младата кореографка Адријана Данчевска, во продукција на Скопје танцов театар.
Публиката ќе има можност програмата (https://bit.ly/31X3XN0) да ја проследи и онлајн, интернационално, преку Јутјуб каналот на Танц Фест – https://bit.ly/3jLAMCW , како и преку националната МРТ и локалната ВИС Телевизија Струмица.
Фестивалот е поддржан од Министерството за култура, Град Скопје, Американската амбасада во Скопје и долгогодишните партнери Виталија, Бовин и Зебра и медиумските покровители МРТ, Радио Бубамара, Antenna 5, City Radio, Metropolis, URBAN FM и ТВ Вис.
Стивен Петронио
Нема коментари