Во четврток, 24 септември, на последниот ден на 19. Фестивал на европски филм Синедејс, премиерно ќе биде прикажан новиот долгометражен филм „Хомо“ во режија на Игор Иванов. Еве што стои во описот на филмот- Филмот прикажува шест лица, шест состојби во луцидно поврзани епизоди проткаени со црн хумор. Безнадежните ликови случајно се среќаваат во модерната метропола, при бескрајни обиди да опстанат и најдат малку среќа. Невработениот дипломец станува гробар, ужалената вдовица – монахиња, свештениците се коцкаат, а со судовите владеат гангстери. И кога изгледа дека надежта е мртва, едно осамено момче успева да пронајде љубов.
Сценариото го потпишуваат Игор Иванов и Сашо Кокаланов, а глумат Наташа Петровиќ, Александар Матовски Цако, Игор Ангелов, Сашко Коцев, Јордан Симонов, Мајлинда Косумовиќ, Оливер Митковски, Сергеј Димовски.
Нема коментари