Новата година значи нови резолуции, поефикасно организирање на животот, за некого и конечно реоранизирање на плакарот и облеката што ја поседуваме. Токму околу новогодишните денови повторно се актуелизира еден трик со закачалки кој ќе ви сигнализира која облека не ја носите со месеци (или години) и треба да ја исфрлите од гардероберот. Идејата не е ништо ново, но на него нè потсети Аните Биргес од Австралија, која преку својата компанија Mise en Place врши разни услуги, меѓу кои и професонално организирање на плакари. Биргес пред Нова година на Фејсбук ја објави техниката на „обратно поставување на закачалката“ во плакарот, со што подобро ќе го организирате и ќе се ослободите од непотребната облека. А за да го примените овој трик потреби ви се само пет минути.
Таа советува да ги поставите сите закачалки во плакарот со отворениот дел накај вас. Како ја користите облеката, кога ќе ја враќате назад во плакарот закачалката поставете ја со отворениот дел навнатре (како што вообичаено правиме). После шест месеци проверете кои парчиња облека не сте ги облекле во тој период, односно стојат на закачалка која сè уште е со отворениот дел накај вас. Тоа значи дека таа облека воопште не ви треба и само зафаќа простор во гардероберот.
Календарот поставете го на шест месеци, на пример ако со оваа техника почнувате во првите денови од годината, на почетокот на јули ќе го видите резултатот. „После шест месеци точно знам која облека сум ја носела, а која не. Сè што е на закачалка со отворениот дел накај мене, ќе биде донирано или продадено“, вели Анита.
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари