Вашиот омилен костим за капење во текот на летото поминува низ неколку средини како солена вода, хлор од базените, јаки сончеви зраци, кои што може да му наштетат и да влијаат лошо на бојата и неговата еластичност. За да „преживее“ треба да внимавате како се однесувате со него, па еве неколку трикови со кои можете да го зачувате за да изглеа како нов.
ПЕРЕЊЕ ПРЕД ПРВОТО НОСЕЊЕ
Пред да го облечете прв пат костимот за капење, задолжително исперете го рачно. Прво, од хигиенски причини, а од друга страна затоа што при производството на текстил може да настанат токсични хемикалии кои предизвикуваат алергии.
ПРВО НАНЕСЕТЕ ГО КРЕМОТ ЗА СОНЧАЊЕ ПА КОСТИМОТ
Во лето и на летување не смете да се откажете од кремите за сончање. Но, масните креми често оставаат дамки на костимите за капење. Затоа, барем пред првото нанесување, намачкајте се со кремот, оставетет го неколку минути да се апсорбира, па облечето го костимот и упатете се кон плажа. За понатамошната употреба на кремите, внимавајте да не ги нанесувате на ткаенината. Ако малку ги намачкате, пред перењето на тие места нанесете малку течен детергент или благ шампон.
БРЗО ОТСТРАНЕТЕ ГИ ДАМКИТЕ
Доколку на плажа или покрај базен јадете сладолед, или помфрит со кечап и мајонез, и при тоа се исфлекате со храната, треба брзо да реагирате и додека флеката е влажна да ја отстраните со хартиено марамче. Откако ќе се исуши флеката, не ја гребете со ноктите, така само ќе ја оштетите ткаенината. Што е можно побрзо исперете го костимот, а најдобро е да го оставите на киснење 24 часа во леген со детергент. Доколку не се отстрани после неколку перења, консултирајте некого на хемиско чистење.
НИКОГАШ НЕ ТРЕБА ДА ГО ПЕРИТЕ ВО МАШИНА
Најдобар начин да го уништите костимот за кашење е ако го ставите на перење во машина. Колку и да е костимот валкан со песок, дамки од креми или од нешто друго, ако го ставите во машшина за перење ќе ја изгуби својата еластичност и ќе попуштат гумираните рабови. И уште една работа, костимите се мијат во млака, скоро студена вода, никако во врела вода.
ИСПЛАКНЕТЕ ГО КОСТИМОТ ПОСЛЕ СЕКОЕ КАПЕЊЕ
Хлорот, солената вода и песокот се штетни за костимите. Затоа, по секоја капење исплакнете се со чиста вода да се измијат остатоци од сол или хлор. Исто така, после секое враќање од плажа исперето и оставете го да се суши за следниот ден. При рачното перење користете благ дерегент и не го стискајте силно при миењето и на крајот не треба да ја цедите водата многу грубо, бидејќи така костимите ќе ја изгубат својата еластичност.
НЕ СУШЕТЕ ГО КОСТИМОТ НА СОНЦЕ
Мокриот костим за капење не треба да се суши директно на сонце, бидејќи така ја губи бојата.
Нема коментари