Свеж, цветен и нежен, женскиот парфем My Name на „Трусарди“ е вистински дамски парфем. Префинет, женствен и дискретен. Создаден за дами што негуват женственост и елеганција. Иако е лансиран во 2013 година, неодамна беше претставен на македонската публика на вечерна промоција во скопската „Вила Веранда“. Гостите имаа можност да го почуствуваат опојниот мирис на јоргован што се наоѓа во срцевината на парфемот, а дамите се израдуваа на новиот заводлив адут на италијанската модна куќа „Трусарди“.
Личната карта на My Name вели дека спаѓа во мирисната група на ориентално-цветни парфеми, горната нота ја чинат бела темјанушка и хелиотроп, средната јоргован, мошус и кала, а базната амбер и ванила. Парфемот е инспириран од италијанскиот животен стил, особено во градот Милано, а спакуван е во заоблено шишенце што асоцира на женственоста и заводливоста на жената. Уште еден детаљ е доста интересен – силиконското капаче на шишенцето ги прима опојните ноти од самиот парфем и може да го искористите како освежувач на вашиот гардеробер. Едноставно ставете го меѓу облеката и таа уште долго време ќе мириса на My Name.
Заштитно лице на парфемот е Гаја Трусарди, креативна директорка на бренсот и четврта генерација од династијата Трусарди која што ја основа луксузната модна куќа, а промотивното видео снимено во Милано го режираше оскаровецот Габриеле Салваторе.
Гаја Трусарди е заштитно лице на парфемот My Name
Од промоцијата на My Name во „Вила Веранда„ во Скопје
Нема коментари