Новата „армија“ на модната куќа „Балман“ оваа есен не ја сочинуваат супермодели или познати личности туку – виртуелни модели. Креативниот директор на брендот Оливие Рустен одлучи во кампањата за есен-зима 2018/19 да ангажира „виртуелна армија“ од дигитално изградени ликови.
-Секоj може да се придружи на нашата растечка „Балман“ армија – треба само да го делите впечатливиот и авантуристички дух како нашите виртуелни икони Марго, Шуди и Зи, во кои се одразува убавината, рок стилот и моќта на самодовербата – сметаат од „Балман“.
Дизајнерот Рустен е познат по својот edgy стил и се фокусира на тоа француската модна куќа да ја постави во првите редови на дигиталната ера.
-Потребна е промена. Ние мора да ги поместиме границите. Мораме да комуницираме со новите генерации. Мораме да ја направиме модата порелевантна – има изјавено Оливие.
Моделите ги креираше фотографот Камерон-Џејмс Вилсон, кој во 2017 година ја создаде препознатливата „манекенка“ Шуду. Облеката ја стилизираше CLO Virtual Fashion, компанија која се занимава со создавање на хипереални 3Д симулации на облека. Шуду е позната како „првиот дигитален супермодел“ и има над 140 илјади следбеници на својот Инстаграм профил. Таа веќе има учествувано во кампања за Fenty Beauty и во едиторијали на WWD и Cosmopolitan.
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари