Рецепт на денот
Пет состојки ви се потребни да го подготвите овој здрав напиток за зајакнување на имуниолошкиот систем и градење отпорност на вируси. Овој напиток ќе ви обезбеди заштита одвнатре, брзо се подготвува и содржи состојки кои лесно се наоѓаат кај нас – портокал, лимон, ѓумбир, куркума и бибер.
Еве како се подготвува:
Потребни се 1 голем портокал, 2 помали лимона, половина шолја сецкан ѓумбир, 2 лажички куркума, малку свеж мелен црн пипер, 1 лажичка маслиново масло.
Темелно измијте ги портокалот и лимоните, исечете ги на големи парчиња без да ја отстраните кората (запомнете кората содржи до 70% хранливи материи, а не пулпата). Ставете ги во блендер и додадете и другите состојки – ѓумбирот, куркумата и биберот. Маслото е опцијално, може и да го избегнете. Добиената смеса поделете ја на два дела и испијте ги во текот на денот.
Зошто токму овие состојки?
Ѓумбирот има моќни антиоксидантни и антиинфламаторни својства, што го прави неопходен дел од секојдневниот живот во борбата против вируси. Зачинот куркума на вашиот пијалок не само што ќе му даде пријатна златна нијанса, туку има многу корисни својства. Го зајакнува имунитетот, го намалува воспалението и ги отстранува токсините од телото.
Како што знаеме портокалите и лимоните содржат големо количесто на витамин Ц и ги отстрануваат штетните материи од телото, што е добро за зајакнување на имунитетот. Биберот служи како еден вид катализатор и го множи ефектот на другите компоненти.
Нема коментари