21ви &22ри септември, Терени Работнички во Градски парк Скопје
Викендов започнува долгоочекуваното јубилејно издание на Health, Fitness & Wellness Expo во организација на Моментум Инк. Настанот за здрав животен стил, кој прерасна во најголем на нашите простори, ќе ни ја разбуди љубовта кон своето тело и ќе не збогати со корисни информацииод полето на фитнес и севкупно здравје!
Официјалниот почеток на настанот е закажан во сабота, од 11.00ч, а преку утринска јога ќе го отвори тимот Јога Центар Садана, по што ќе следи едукативна презентација за јогата како уметност на живеење со Здружение “Анахата Јога”. Термините од 12.00ч до 13.00ч се резервирани за КБК Работнички Адора и нивните бесплатни функционални и бокс тренинзи. Во текот на денот преку бесплатни тренинзи ќе гориме калории со тренерите на Kinetics Fitness Studio, fitlife.com.mk и Crossfit LND, ќе се вклучиме во натпревар во скокање јаже со КРКА, a ќе научиме и боречки вештини со веќе докажаните Bushido Dojo Macedonia и Aikido Ikeda Dojo! Сите изданија досега ја славеа иновативноста, па така на ова издание на сцена ќе ги видиме и Sport Inn и Kangoo Club Jump Up. На крајот, после сите овие интензивни тренинзи, како јаготка на шлагот следува опуштање на телото со Студио за масажа Јапан, кои со нас ќе ги споделат својата експертиза и знаење.
Ни неделата нема да е помалку возбудлива: тимот на The Yoga Place ќе не почести со утринско будење со јога и ќе нѐ научи како да останеме присутни во моментот, а веднаш потоа Натура ќе нѐедуцираат што значи здравата исхрана и како да го сакаме своето тело! Bonita Organic Nut Butters ќе ни ги презентираат нивните вкусни органски намази и ќе ни го задоволат апетитот, Oriflame ќе ни овозможат бесплатна анализа на тело со нивната напредна Tanita вага, а Nutri.vi club ќе не анимираат со нивните натпревари за бесплатни планови за исхрана и ваучери за месечно членство во клубот. Задолжително облечете ја вашата омилена спортска облека бидејќи тренинзите ќе продолжат и во текот на овој ден, па така квалитетно ќе се раздвижиме со Аикидо клуб Хенбо, Боксерска Академија Вели Мумин, Timeout и Fame Fit. Последните термини се резервирани за весел завршеток на настанот, а за тоа ќе се погрижат Сања Стојковска и Танцовиот Спортски Клуб Бранимир&Бранкица.
Секако, имаме уште едно изненадување: со доаѓање на самиот настан, посетителите ќе можат да се пријават за учество во наградна игра Scavenger hunt ида освојат вредни награди!
Запознајте се со учесниците на фестивалот на официјалната Facebook страна, и секако, следете го официјалниот настан за дополнителни информации и изненадувања.
Нема коментари