Во саботата на 23 декември во скопската галерија „Акантус“ беше отворена новата, декемвриската поп-ап продавница на „Румор“, како дел од одбележувањето на една година од делувањето на овој бренд. Привремената продавница во галеријата продолжува од утре, 26 декември, и ќе биде оворена сè до 30 декември. Приказната за „Румор“ почна минатата година на 17 декември, кога како вистинско модно изненадување во Охрид се отвори продавницата „Румор”, како единствениот мултибренд во регионот и со концепт по светски терк.
Покрај тоа што во продавницата можат да се најдат креации на Ристо Бимбилоски, We Are Owls од Њујорк, Monographie од Париз/ Uniqlo од Токио, Citizens of Humanity од Лос Анџелес и други светски познати брендови, лансиран е и нов македонски моден бренд кој го нои името „Румор“. За оваа една година продавницата и брендот „Румор“ оставија печат на домашната сцена.
-Најважно е да се спомне дека клиентите го препознаа и засакаа новиот македонски бренд „Румор“, создаден со многу љубов и желба. Конечно да се понуди квалитет за ексклузивна цена, гордо потпишан со Made in Macedonia – велат Лејла Гогова и Алек Бимбилоски кои стојат зад брендот стациониран во Охрид.
„Румор“ организира повеќе настани, и на барање на многубројните клиенти од Скопје, Лејла и Алек остварија неколку продажни изложби во галеријата „Акантус“, во која од минатиот месец постојано е достапна Rumor Limited колекцијата.
-Креиравме дуксер од чија продажба процент дадовме за хуманитарни цели, со што помогнавме на една самохрана мајка. Потоа учествувавме на настанот „Made in Macedonia: Cовремен дизајн накитен со минатото“ во организација на Македонскиот велком центар „Добредојде” и Амбасадорот на Соединетите американски држави, Џез Л. Бејли, а по иницијатива на неговата сопруга, Кејпи Полк Бејли, на кој „Румор“ извонредно се претстави и добивме многу комлименти – велат од „Румор“ и најавуваат дека допрва следуваат многу изненадувања во чекор со модните трендови во светот.
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари