Водечки дизајнер и кутуриер од почетокот на 20 век, самонаречен крал на модата, Пол Пуаре се смета за првиот вистински моден креатор во историјата. Сега еден век по најславните денови на Пуаре и скоро еден век по згаснувањето неговата модна куќа се возобновува. Плановите за возобновување почнале во 2014 година откако на аукција модната куќа ја купила Ан Шапел, директорка и финансиска партерка во куќите на дизајнерите Хајдер Акерман и Ан Демеулемстер. Развојот ќе го менаџира корејска групација, а за првата колекција што ќе биде претставена во март годинава во Париз е задолжена кинеската дизајнерка Јикинг Јин.
Пол Пуаре својата модна куќа ја основал во 1903 година и своето време се сметал за моден иноватор. Ги претставил фустаните со слободен крој и на жените им дал модна алтернатива на корсетите, ја обожавал ориенталната силуета и создал туника-фустини и адаптирано јапонско кимоно, се инпирирал од рускиот балет и источната уметност, бил првиот дизајнер што лансирал парфем со името на својата куќа, а тој исто така го вовел концептот на комплетен лајфстал бренд, лиценцирање, креативно водство на брендот и концептот за рекламна кампања. Неговата работа била олицетворение на модерноста за тоа време. Од финансиски причини Пуаре ја затвора својата модна куќа во 1929 година, а умира во 1944 заборавен и сиромашен. Со нетрпение ја очекуваме возобновувањето на уште една историска модна куча, новата визија и како брендот ќе се претстави на новата генерација на модна публика, скоро еден век после најголемите успеси на францускиот дизајнер.
Модна муза на Пуаре му бил неговата сопруга Дениз
Хелена Рубинштајн и Пеги Гугенхајм во креации на Пуаре
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари