Овој викенд, 13 и 14 февруари, во „Јавна соба“ под мотото „За оние кои ги сакаш“ и по повод празникот на виното и љубовта, ќе се одржи базар на креативност, рачно изработени и уникатни парчиња и производи во мали серии. Повеќе дизајнери, занаетчии и уметници здруженo настапуваат пред публиката со разни уникатни парчиња за подарок – облека, накит, козметика, долна облека, помагала за домаќинство, модни детали и парчиња мебел, произведени со љубов од 35 македонски брендови. Меѓу дизајнерите кои го најавија присутвото на базарот се Евгенија Зафировска, Ajd Nrand, Modular, Atelje Marak, Be design, Eli’s accessories, Купи украс…
-Не можеме со зборови да опишеме колку сме среќни што продажбата на домашни производи во земјава зема сe поголем замав. Базарите кои прераснаа во наша месечна активност се одговор на побарувачката која доаѓа директно од посетителите во дизајн центарот, каде им овозможуваме полесно да стапат во контакт со креативците од земјата и да го запознаат нивниот потенцијал. Формулата е усвоена од страна на младите дизајнери и занаетчии, гледаме прогрес во секој еден новонастанат бренд и со сигурност можеме да кажеме дека за кратко овие активности ќе се преселат и во регионот – велат од центарот за дизајн и иновации „Јавна соба“.
Викендов ве очекуваат намалени цени на уникатни производи, работилници за деца, богата музичка програма, изложби, вкусна храна и дружење во атмосфера во која секој посетител пронаоѓа интерес.
Нема коментари