Зеленчук што треба да го имаме во нашата исхрана

Бројни студии докажуваат дека редовното јадење на свеж зеленчук позитивно влијае на општата состојба на организмот, благосостојбата и изгледот. Зеленчукот го намалува ризикот од хронични болести, а недостатокот од него доведува до стрес и лошо расположение. Ова може да се избегне со јадење неколку видови на зеленчук на ден. И што е уште поважно, зеленчукот најдобро да се јаде сиров, подготвен на пареа или на скара.

Еве еден избор на најздрави зеленчуци и некои од нивните квалитети:

• Морковот е полн со витамин А, кој може да помогне во подобрувањето на видот. Може да се консумира како салата или во свежо исцеден сок.

• Брокулата содржи витамин Ц, витамин А и витамин К, покрај тоа, брокулата е многу малку калорична.

• Печурките се добри за срцето и исто така помагаат во спречување на болести.

• Кељот е богат со витамини А и К, се смета за еден од најздравите зеленчуци, добар е за детоксикација на организмот.

• Репката е полна со растителни влакна и минерали, како што се калциум, фосфор и калиум.

• Спанаќот се препорачува редовно да се консумира, бидејќи содржи голема количина на витамин А (половина од препорачаната дневна вредност).

• Аспарагусот е малку калоричен, но има многу растителни влакна и микроелементи.

• Леќата е полна со растителни влакна, фолна киселина и витамин Б, а важи и за одличен извор на железо.

• Боранијата е извор на витамин А, витамин Ц, витамин К и влакна.

• Карфиолот е многу корисен поради витаминот Ц, калиумот и омега-3 компонентата.

• Цвеклото е антиинфламаторен зеленчук богат со антиоксиданти коиј позитивно влијае на крвниот притисок и заштитува од срцев удар.

• Доматите се добри поради тоа што содржат ликопен. Истражувањата покажаа дека ликопенот го поддржува васкуларното здравје и помага во спречување на кардиоваскуларни болести.

• Кромидот содржи кверицин, кој ги подобрува менталните и физичките перформанси.

• Слаткиот компир (батат) е еден од најдобрите извори на бета каротен. Пробајте да комбинирате го со црн грав, фета сирење, зачинински билки и печени пиперки. Таков ручек ќе содржи многу корисни материи.