Познатиот институт за бои на компанијата Pantone ја откри бојата на годината – именувана greenery (зеленило), станува збор за зеленкаста нијанса опишана како „оштра, пикантно-жолто-зелена“, карактеристична за листовите и зеленилото. Според Pantone ова боја носи свежина и нè повикува на истражување, експериментирање и обновување.
-Како илустрација за процут на зеленилото, плодните атрибути на „зеленило“ сигнализираат длабок здив, кислород и заживување – објаснуваат од Pantone.
Бојата „зеленило“ е надеж, нашето поврзување со природата, повторно раѓање, а извршната директорка на Pantone, Леатрис Ајсман, во интервју за New York Times изјави дека изборот е направен како одговор на „стресниот и тензичен свет“ во кој живееме.
Оваа боја, со шифра Pantone 15-0343, уште во септември беше спомната од страна на институтот како една од десетте бои во модната индустрија за сезоната пролет 2017. Со објавување на боја на годината Pantone советува таа да се употреби во модата, дизајнот, ентериерот, дизајнот на амбалажа, продукт-дизајнот и други области поврзани со креирање.
Нема коментари