За модна доза нов скандинавски стил следете ги Инстаграм профилите на овие три Данки
Скандинавките се новите стилски ѕвезди и модните недели во Копенхаген и Осло новите извори на трендови и модни брендови. Во последните години скандинавскиот стил значително се промени, некогаш беше симбол на минимализам, сега е насочен на шари и интензивни бои. Сето тоа можеме да го забележиме разгледувајќи ги фотографиите на улична мода, но и следејќи ги клучните ликови на Инстаграм како Пернил Тајсбек, Емили Синдлев и Жанет Мадсен. Овие три дански стилски ѕвезди објаснуваат како да изгледате кул и ги споделуваат своите мислења за еволуцијата на скандинавскиот стил.
ПЕРНИЛ ТАЈСБЕК
Облечена во бел кошула-фустан на Сесил Бансен, со ѓердан на Tiffany & Co., и сандали на брендот The Row, една од најпопуларните блогерки во Данска Пернил Тајсбек вели: „Мислам дека луѓето го сакаат скандинавскиот стил бидејќи е синоним за удобност. Локалните девојки знаат добро да се облечат и за преку ден, не само за на забава. Сакаме да ги комбинираме женските парчиња со нешто со машки крој и да завршиме со спортски елементи – на пример, фустан до под во комбинација со патики.“ За Пернил клучни модни парчиња во моментов се јакна од Balenciaga, винтиџ Levi’s фармерки, блузи очила на Céline, апостолки на Havaianas, чевли на The Row, шорцеви од Prada и голема торба на Comme des Garçons.
Work or Workout attire -two in one A post shared by Pernille Teisbaek (@pernilleteisbaek) on
ЖАНЕТ ФРИИС МАДСЕН
Основачката на брендот Rotate Birger Christensen сака интензивни бои и не се плаши да облече спектакуларни принтови. Сигурна е дека Инстаграм одигра голема улога во еволуцијата на скандинавскиот стил: „Мислам дека благодарение на него, локалните жени станаа посмели во изборот на облека, не се плашат да експериментираат и да комбинираат скапи дизајнерски работи со облека од хајстрит-бренд. Покрај тоа, променливите временски услови нè натераа да носиме неколку слоеви облека и на тој начин да создаваме оригинален имиџ“.
Hawaii at Vesterbro A post shared by Jeanette Friis Madsen (@_jeanettemadsen_) on
ЕМИЛИ СИНДЛЕВ
Свилени фустани и необични комбинации на бои, како на пример фустан во боја на циклама со детали во светложолта боја, ова претставува една од главните модни формули на Емили Синдлев. A во љубовта кон прекумерните комбинации не е сама. „На скандинавските девојки им се смачи од минимализмот – удобноста сè уште е на прво место, но сè повеќе експериментираме со необичните кроеви и отпечатоците. Кога луѓето зборуваат за скандинавскиот стил, тие прво мислат на брендовите како Ganni и Saks Potts, но Шведска или во Данска сега ќе најдете огромен број на локални брендови. Главната тајна зошто скандинавските девојки изгледаат одлично, е тоа што тие се облекуваат ведро и изгледаат опуштено во исто време.“
advertisement | I see thru #cphfwnunoo @nunoobags A post shared by EMILI SINDLEV (@emilisindlev) on
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари