Стајлинг и дизајн на облека: Цаци Паковска; Дијамантски накит: Тесоро; Чевли: Dolce&Gabbana
Самоуверено, заводливо и моќно, како и нејзиниот глас, поп-ѕвездата Каролона Гочева одушеви со својот изглед на концертната промоција на новиот албум, „Македонско девојче 2“. На маратонот од пет концерти, во Македонската опера и балет-Скопје, што почна во четвртокот, покрај новите, староградски нумери, пејачката промовира и нов сценски имиџ, осмислен од нејзината долгогодишна соработничка, стилистката и креаторка Цаци Паковска.
Уште од првиот концерт, таа се потруди Каролина да блесна како вистинска музичка дива, во креации со нејзин дизајн, дијамантски накит од „Тесоро“ и чевли од Dolce&Gabbana. Секоја вечер таа носи различни модели, кои се дел од една приказна, мотивирана од модата од 40-тите години.
-Инспирација за стајлингот на Каролина за петте концерти ми беше поствоената мода, односно 40-тите години од минатиот век. Посакав да го доловам оној изглед на Кетрин Хепберн, елегантен, сексипилен, но во исто време строг и маженствен. Создадов пет изгледа, сами по себе различни , но сите вклопени во оваа приказна. Сакав публиката да биде изненадена. Знаев дека многумина од Каролина очекуваа да се појави во фустани, па затоа одбравме таа да ги изненади со нешто сосема различно. Моделите на панталони и кошули, се навистина едноставни, но на себе имаат детали. Изработени се од свила во коомбинација со памук. Самиот изглед е надополнет со модни детали, како што е шеширот, кој Каролина на почетокот на секој концерт го и ќе го носи. Во истовреме беше многу важно накитот да не биде ефтина бижутерија, па така се погриживме на себе Каролина да носи златни модели со дијаманти. Тие му даваат уште поголема тежина на самиот стајлинг. Што се однесува на фризураата и шминката, и таа во склоп со изгледот, така да повторно инспирација ми беше Кетрин Хепберн-вели Паковска, која есклузивно за Stylist.mk открива дека креациите што ги носеше Гочева на концертите се најава за нешто ново, што брендот „Стилисимо” набрзо ќе го промовира.
Паковска и Гочева – неколку минути пред почетокот на првиот концерт
Шеширот ќе биде дел од сите стајлинзи на Каролина.
Нов, женствен имиџ за вториот концерт
Детали од третиот концерт
Нема коментари