Прекумерното производство на таканаречената „брза мода“ која најмногу се продава во светот поради ниската цена и брзото следење на модните трендови, создава планини ѓубриште во чилеанската пустина Атакама. Фотографиите и видеата од оваа гробница на облека се застрашувичка, и секако аларманти
Пустината Атакама стана депонија за остатоци од брза мода и облека што не е продадена. Истражувањата покажаа дека глобалното производство на облека се удвои меѓу 2000 и 2014 година, и само продолжи да расте во последниве години. Европејците годишно фрлаат 11 килограми текстил, а речиси 90 отсто од искористената облека изгорува или завршува на депониите. Освен што се произведува повеќе облека, луѓето купуваат и повеќе, па причина за поголемото производство е одговор на зголемената побарувачка која се создава од големиот избор што потрошувачите го имаат секојдневно пред себе во продавниците. Секогаш сакаме повеќе, секој ден гледаме нешто ново што е подобро од она што веќе го поседуваме.
Атакама во Чиле е најсувата пустина во светот, сега е местото каде што завршуваат речиси 40.000 тони облека која доаѓа од Кина или Бангладеш, откако ќе помине низ Европа, Азија или САД. Облеката што нема да се продаве се доставува до чилеанското пристаниште Икике за да се препродава во земјите од Латинска Америка. Годишно пристигаат околу 59.000 тони облека, повеќе од половина не успева да се продаде ниту во Латинска Америка и затоа завршува во пустината Атакама.
Најголем проблем е што облеката не е биоразградлива и содржи многу хемиски состојки, па затоа не може да се фрла во депонии за мешан отпад. Се смета дека се потребни 200 години за да се разгради облеката во Атакама, а проблем е што таа испушта хемикалии кои дополнително ги загадуваат воздухот и водата.
Брзата мода, иако е достапна, исклучително е штетна за околината. Модната индустрија е одговорна за речиси 10 проценти од емисиите на јаглерод во светот. Штетните бои што се користат при боење и преработка на текстил се одговорни за 20 проценти од глобалното загадување на водата, а големи количини микропластика се испуштаат во животната средина за време на производството.
Иднината на модата, особено на брендовите со пристапни цени, секако е во намалувањето на производството на отпад, поголемото рециклирање и употребата на повеќе природни материјали, но и поголема одговорност на нас како потрошувачи. Модата ни помага да се изразиме себеси и нашата личност во најдобро светло и да се чувствуваме добро во сопствената кожа, но секој поединец треба да биде свесен колку прекумерната потрошувачка и производството ја загадуваат планетата на која живееме. Проблемот со отпадот во модната индустрија е исклучително голем, а за напредното општество во кое живееме денес, нискиот процент на рециклирање производи е многу поразителна бројка.
Едно од можните решенија е во концептот на кружна мода, односно модна одржливост. Тоа не вклучува само природни материјали или купување на second hand облека, туку и идејата е дека отпадот всушност не постои во модата, туку секое парче може да се пренамени во нешто друго.
Нема коментари