Ако овие неколку денови размислувавме за тоа каде би можеле да водат златните покани кои се проширија низ Скопје и со тоа започнаа многу разговори во светот на модата, сега официјално го имаме и одговорот на прашањето.
Златните покани, се официјалните покани за првиот ексклузивен свадбен саем The Haute Wed Gala организиран од страна на модните брендови Atelier Per Sempre и Signori, а како главни спонзори се појавуваат Смарагд и Божиновски. Настанот ќе се реализира на 29 мај оваа година во Шато Камник.
Самиот настан уште од својот почеток ја наговестуваше својата ексклузивна природа со мистериозните покани кои неуморно беа доставувани. Сега, официјално дознаваме дека настанот има за цел да промовира голем број на македонски брендови кои работат во Македонија, а помагаат да се финализира сечие свадбено искуство.
Саемот треба да ја долови умешноста да се поврзаат практичноста и желбите на секоја вљубена двојка која го планира својот голем настан. Целта на саемот е да се овозможи и во нашата земја да се создаваат бајковити венчавки кои ќе бидат финализирани од страна на домашните брендови.
Оттука и самиот настан во Шато Камник, кој всушност на посетителите ќе им ја долови свадбената атмосфера на едно поразлично ниво. Посетителите ќе имаат прилика да проследат ексклузивни содржини инспирирани од љубовта, заедништвото и свадбените церемонии.
Покрај златните покани кои се официјалниот документ за посета на настанот, The Haute Wed Gala има отворен, но лимитиран список за посетители.
Сите оние кои го планираат овој голем настан во својот живот имаат можност да се приклучат на списокот за гости, од кој потоа ќе биде селектиран одреден број на посетитили кои ќе ја добијат својата златна покана.
Она што треба да го направите за да станете дел од списокот на потенцијални посетители е да ја посетите вебстраната на The Haute Wed Gala и да ја пополните достапната форма за пријавување.
Бидејќи списокот е од заворен тип, само оние кои ќе добијат официјална потврда од организаторите ќе имаат право да присуствуваат на настанот. Важно е да се напомене дека за избраните гости има и посебен дрес код, односно сите се повикани да ги покажат своите најелегантни парчиња облека кои би соодвествувале со балската продукција на самиот настан.
Ние искрено се радуваме на повеќе вакви настани кои ја слават креативноста и љубовта и со нетрпение очекуваме да видиме како ќе изгледа овој екслузивен свадбен саем.
Нема коментари