Триесет и четири црни фустани и костуми носени за време на последното доделување на „Златен глобус“ ставени се на аукција на eBay со цел да се соберат парични средства, кои потоа ќе бидат пренаменети за иницијативата Time’s Up, односно во правниот фонд со кој управува Националниот центар за женски права и им помага на индивидуалците кои се соочиле со сексуално малтретирање на работното место.
Во соработка со издавачката куќа Condé Nast, на аукција се ставени тоалетите што ги носеа Лора Дерн, Кејт Хадсон, Никол Кидман, Марго Роби, Трејси Елис Рос, Рис Витерспун, Мерил Стрип и други, а кои всушност модните дизајнери и куќи ги подарија за оваа цел. Почетните цени ги предложија дизајнери на креациите, и се движат од 2.500 до 10.000 долари. Оние кои немаат доволно финансиски средства за да наддаваат на аукцијата, во фондот на Time’s Up може да донираат 25 долари и автоматски да влезат во наградната игра за освојување на три креации – костимот од Стела Макартни што Клер Фој го носеше на „Златен глобус“, тоалетата од DVF на Меделин Бруер и фустанот со потпис на Роси Асулин што го носеше Менди Мур.
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари