Ѕвездите вчеравечер присуствуваа на доделувањето на музичките награди Grammy и се прошетаа на црвениот килим во новите дизајнерски креации. Помалку или повеќе успешно… Модата на доделувањата на музичките награди во последниве години е микс на гламур и кич, а ѕвездите и покрај големата помош на стилисти и косултанти знаат толку многу да погрешат, дури и кога се облечени и во најскапата висока мода. Во трката да се биде впечатлив на црвениот килим се прават големи модни утки, но понекогаш и стилски погодок.
На црвениот килим на Grammy се појави и Лејди Гага која облече драматичен сребрен фустан од новата колекција на Еди Слиман за Celine. Џенифер Лопез носеше модел на Ralph & Russo, a висока мода избра Дуа Липа која се појави во сребренн фустан со долг шлеп на Atelier Versace. Голем број на присутните избраа креации од последните колекции на висока на Balmain, Gaultier Armani Prive, Карди Б изглдаше ексцентрично во винтиџ модел на Mugler, а Кети Пери во како розова пуслица во модел на Balmain веројатно ќе биде предмет на многу мемиња.
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари