Најголемата и најзначајна забава во модниот календар е Мет Гала, вечерен гала настан во њујоршкиот музеј Метрополитен, кој се организира секој прв понеделник во мај, како претодница на отворањето на голема модна изложба, секоја година на различна тема. На вчерашната Мет Гала поворно се собраа познатите личности од светот на модата и забавната индустрија, кои прошетаа на црвениот (односно розовиот) килим во своја интерпретација на овогодинешната тема „Кемп: Белешки за модата“. Соодветно на темата кемп, која во модна смисла подразбира ексцентричност, упадливост, фриволност и пренагласеност, гостите се појавија во ултра екстравагатни комбинации. Некои беа прилично впечатливи и откачени изгледи, како на пример Кети Пери која што носеше фустан од Џереми Скот околу кој е инсталиран голем лустер.
Забележлива беше и Лејди Гага дојде облечена во предимензиониран фустан-плашт во боја на циклама. Но не застана тука, туку подготви вистински перформанс, тргајќи од себе слоевите облека – го соблече плаштот под кој имаше црн балски фустан, па и него го соблече и се претстави во тесен модел во боја на циклама, а на крај остана во долга облека.
Екстра долги плаштови и шлепови носеа Карди Би, Гвен Стефани, Серена Вилијамс, Адвоа Абоа… Темата сериозно ја сфатија и Џаред Лето (во креација на „Гучи“ и со вештачка глава со неговиот лик која ја држеше во рака), потоа Џанел Монае, Селин Дион и актерот Езра Милер кој имаше шминка која создава илузија на неколку лица слеани заедно. На црвениот килим се појави уредничката на Vogue Ана Винтур која што заедно со Метрополитен секоја година е домаќинка на настанот, како и многу познати дизајнери, манекени, актери, музичари. Дел од Мета Гала беа и некои од членовите на Кардашијан-Џенер кланот, како и секогаш се истакнува Ким Кардашијан по ужасно вулгарниот изглед.
Еве еден избор на впечатливи комбинации од црвениот килим:
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари