Триумфот на Адел, сценскиот перформанс на Бијонсе, настапите на „Металика“ со Лејди Гага, Бруно Марс во чест на Принс и посветата на Џорџ Мајкл го одбележаа 59-тото издание на најпрежните музички награди „Греми“, што вчеравечер се одржаа во Staples Center во Лос Анџелес. Како и на претходните изданија, музиката и шоуто беа ставени во преден план, и во нивна функција беа модните креации на црвениот килим. Со исклучок на неколку елегантни и раскошни модни креации, доминираа дизајни како за на сцена, видеоспот или на маскенбал. Фустан со пластични топчиња, златна маска, тоалета украсена со цедиња, стајлинг инспириран од ТЛС во 90-тите, rазголени ѕвезди, транспарентни креации, светки, необични костими и шорцеви го одвлекоа вниманието пред почетокот на церемонијата.
Дел од гостите се појавија маскирани на црвениот килим
Ријана се појави во дводелна креација со портокалов топ и долго црно здолниште од Armani Privé, бремената Бијонсе на сцена носеше златна креација која го откриваше нејзиното стомаче, а се пресоблече и во црвен припиен фустан од светкава мониста и длабок изрез кај градите со потпис на Peter Dundas. Адел носеше зелен фустан од Givenchy Haute Couture by Riccardo Tisci. Џенифер Лопез осткокнуваше со романтичниот нежнорозов лелеав фустан од Ralph & Russo во комбинација со чевли од Christian Louboutin. Сeлин Дион носеше зелена креација со длабоко деколте од Zuhair Murad. За истиот креатор се одлучила и кантри-пејачката Фејт Хил.
Џенифер Лопез, Соланж Ноулс и Ријана
Стајлингот на Лејдо Гага не се рзликуваше многу од тој за на сцена, се појави во моторџиски стил, со кратка маичка и кожени елементи од Alex Ulichny и чизми од Pleaser. Кети Пери, која има платинесто руса боб-фризура носеше фустан со пердуви од Tom Ford. Соланж Ноулс носеше златен фустан од Gucci, а за време на церемонијата се пресоблече во црвен фустан со карнери и во бел модел. Актерката Тараџи П. Хенсон беше во краток свилен виолетов фустан од Marc Jacobs. И моделот и водителка Хајди Клум се одлучила за екстра кратка креација од Philipp Plein.
Транспарентните креации доминираа на црвениот килим: Деми Ловато, Криси Тајген, Џулијана Ранчич и Никол Трамфио
Леа Мишел и Криси Тејген носеа транспарентни креации од Роберто Кавали. Кери Андервуд носеше црвен фустан од Elie Madi и високи потпетици од Jimmy Choo. Деми Ловато се појави во секси креација од Julien Macdonald. Ќерката на Мајкл Џексон, Парис носеше комбинезон со многу отвори од Balmain.
Адел триумфира во пет категории
Најголем побединк на ова издание на „Греми“ е Адел која триумфира во пет категории: за најдобра песна, албум и издание и поп-соло изведба за Hello, како и за соло вокален поп-албум за 25. Постхумно три награди освои последниот проект на легендарниот Дејвид Боуви – Blackstar, за најдобра рок песна, најдобра рок изведба и за најдобар алтернативен албум. Најдобар новизведувач е Chance the Rapper кој победи и во категоријата за најдобар рап-алум и изведба за Coloring Book. Бијонсе, иако беше со најмногу доминации, сепак зема награда за најдобар современ урбан албум за Lemonade. Сестра ѝСоланж освои златен грамофон за најдобра аренби изведба. Дрејк, пак, доби две признанија, за најдобра рап-песна и за рап-настап. Награди за најдобар аренби албум и традиционална аренби изведба зема Lalah Hathaway, а за најдобар вокален џез албум Грегори Портер за Take Me to the Alley.
Лејди Гага, Кети Пери и Лаверн Кокс
Хајди Клум и Тараџи П Хенсон во кратки металик фустани, а ќерката на Мајкл Џексон, Париз, во комбинезон со отвори
Адел и Селин Дион го освежија црвениот килим со зелени креации
Црвеното доминираше меѓу кантри пејачките: Кери Андервуд и Фејт Хил
Водителот на настанот беше комичарот Џејмс Корден
Во фокусот беше Бијонсе, којаимаше незаборавен перформанс
Нема коментари