Шарлиз Терон блесна во жолто на премиерата на „Лудиот Макс“

Од stylist @StylistMKD · На мај 15, 2015

Кан деновиве е во центар на светсткото внимание, а таму вчера, во рамките на филмскиот фестивал се одржа премиерата на четвртото продолжение на „Лудиот Макс: Пат на бесот“ во кој глумат Шарлиз Терон, Том Харди, Николас Холт, Зое Кравиц. На црвениот килим главната хероина од филмот, Шарлиз Терон, се појави во вечерен фустан во жолта боја од колекцијата на висока мода на „Диор“, а друштво ѝ правеше Шон Пен. Останатите ѕвезди исто така избраа креации од високата мода за појавувањето во Кан, па Кравиц носеше бел фустан од „Валентино“, Џулиен Мур од „Живанши“, а Софи Марсо модел од високата мода на Александар Вотие.