Церемонијата на доделувањето на филмските и телевизиски награди Златен глобус 2019 уште еднаш ја демонстрира поделеноста помеѓу стариот холивудски и новиот поавангарден гламур – класични долги тоалети и светкави фустани наспрема модерен изглед. И оваа оваа поделба не е заснована на возраста, туку на смелоста и мотивот за поинаков стајлинг.
Повеќе преферираме прогресивни модни идеи како што е изгледот на нашата нова стилска миленичка Розамунд Пајк која што на доделувањето носеше креација на „Живанши“. Меѓу непредвидливите изгледи се издвоија комплетот со панталони на Стела Макартни, што го носеше Џулија Робертс, потоа Серша Ронан во ресест тесен фустан на „Гучи“, Емили Блант во фустан од тантела на Александар Меквин и Шарлиз Терон во елегантна креација на „Гучи“. Необични комбинации имаа и Оливија Колман, Глен Клоуз и Џанел Монае.
Највпечатливата тоалета на црвениот килим на Златен глобус беше онаа на Лејди Гага – креација на Пјерпаоло Пичоли за „Валентино“, базирана на идејата на старовремски холивудски гламур. Во серија на класични балски и припиени фустани се појавија Никол Кидман, Ејми Адамс, Пенелопе Круз, Ајла Фише, Дакота Фенинг, Кетрин Зета Џоунс.
Златниот глобус се смета за увертира на Оскарите, не само во однос на значајноста на наградите, туку и на спектаклот на црвениот килим.
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари