Кан 2016: Гламур на отворањето на филмскиот фестивал на француската ривиера

Од stylist @StylistMKD · На мај 12, 2016

Новото издание на фестивалот што по 69-ти пат се одржува на француската ривиера беше вчера отворено со премиерата на Café Society на Вуди Ален. На црвениот килим на настанот покрај тоа што се појавија актерките од филмот, Блејк Лајвли и Кристен Стјуарт, облечени во вечерни тоалети од колекциите на висока мода на „Версаче“ и „Шанел“, продефилираа многу француски и интернационални ѕвезди како Наоми Вотс и Каролин де Мегре, познати манекенки и заштитни лица на главниот спонзорот L’Oreal како Доуцен Крус и Ева Лонгорија, и членовите на стручното жири во кое се и Кристен Данст, Ванеса Паради и Валерија Голино. Црвениот килим на Канскиот филмски фестивал скоро секогаш е во знакот на гламурот, познатите ретко експериментираат во стајлингот, како на пример на настани од типот на Мет Гала, туку бираат елегантни тоалети, блескави фустани и ексклузивен накит. Секако, ќе се појави и некој што отскокнува од елеганцијата и францускиот шик изглед, со цел да предизвика внимание, а има и големи стилски промашувања како на пример вчерашниот изглед на Кристен Стјуарт.