Првиот понеделник во мај во модниот календар е резервиран за Мет Гала, раскошен, но и хуманитарен бал во њујоршкиот музеј Метрополитен, предвесник на отворањето на големата модна изложба во Институтот за костими, оваа година со мошне контроверзна тема -„Небесни тела: модата и католичката имагинација“. Најголемата модна журка, вечер на гламур со најголемите дизајнери, манекенки, музички и филмски ѕвезди, и по некоја од реалните шоуа, Мет Гала се организира под покровителство на американски Vogue и строгите инструкции на уредничката Ана Винтур.
Ана Винтур во креација на „Шанел“
Мет Гала привлекува внимание уште на црвениот килим, кога ѕвездите се фотографираат облечени во спектакуларни креации кои често се во рамките на темата од модната изложба. Највпечатлива во интерпретација на овогодинешната тема мода и религија беше Ријана која што се појави во светкав комплет од мини фустан и наметка инспирирани од облеката на ватиканскиот папа, креација на Џон Галијано за Maison Margiela. Кети Пери носеше ангелски крилја врз златниот фустан специјално направен за овој настан од страна на „Версаче“, а и Ана Винтур беше во небесно расположение во бела креација на „Шанел“ и со украс во вид на крст.
Кети Пери со ангелски крилја
Мотив со религиозна тема имаше на фустанот од „Балман“ што Џенифер Лопез го носеше, кој веднаш потоа е ставен на аукција. Донатела Версаче, заедно со Ана Винтур, Амал Клуни и Ријана беше домаќинка на спектакуларната гала вечера, па не изненадува што голем број ѕвезди облекоа „кастом мејд“ креации на нејзината модна куќа (Зендаја, Џиџи Хадид, Блејк Лајвли, Ким Кардашијан).
Амал и Џорџ Клуни
Католички симболи, небесни референци, мрачни и ангелски мотиви, златна боја позјмена од раскошните везови и фреските, украси за коса кои наликуваат на ореоли, виолетова, црвена и ватиканско жолта боја, темплари и папи… темата нуди широк простор за модна интерпретација. А во рамките на темата беа Емилија Кларк и Сара Џесика Паркер во модели на Долче и Габана, италијанскиот дизајнерски тандем кој многу често си поигрува со темата религија во своите колекции. Темата ѝ е позната и на Мадона која се појави во црна креација од Жан Пол Готјеи со круна со крстови.
Ријана како папа во светкав комплет на Maison Margiela
Силни референци или слична нарација на темата мода и религија видовме во изгледот на Џаред Лето и Лана Дел Реј во експлицитни креации на „Гучи“, потоа Карди Би и Стела Макартни во модели на Џереми Скот за „Москино“, Кара Делевињ во Dior Couture, сестрите Олсен во Тhe Row, а за спомнување се и Соланж (Ирис Ван Херпен), Лили Колинс (Живанши), Кејт Босворт (Оскар де ла Ребта), Фарел Вилијамс со сопругата (Шанел)… Погледнете го нашиот избор од вчерашната Мет Гала.
Кети Пери
Алесандро Микеле од „Гучи“, Лана Дел Реј и Царед Лето
Џеифер Лопез
Сара Џесика Паркер и Емилија Кларк
Мадона во модел на Ѓан Пол Готје
Џереми Скот од „Москино“ ги „облече“ Карди Би и Стела Максвел
Соланж (Ирис Ван Херпен)
Пријанка Чопра и Блејк Лајвли
Мери Кејт и Ешли Олсен во креации на нивниот бренд The Row
Злато и сребро за Еван Рејчел Вуд и Зендата
Пјерпаоло Пичоли од „Валентино“ со Ен Хатавеј и Френсис Мекдорманд
Роузи Хантингтон Вајтли, Фарел Вилијамс со сопругата, и Кејт Босворт
Кара Делевињ, Мајли Сајрус и Лили Колинс
Рита Ора (Прада)
Линда Картер, Џиџи Хадид и Донатела Версаче
Ѕвездите на „Луј Витон“: Ема Стоун, Алисија Викандер и Мишел Вилијамс
Селена Гомез со Стјуарт Веверс, Сиена Милер и КЕндал Џенер со Вирџил Абло
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари