На покана на познатиот хрватски шминкер Саша Јоковиќ македонскиот креативец Дарко Мишовски доби ангажман на Fashion.hr, како еден од шминкерите за ревиите на овој настан со формат на модна недела што се одржува во Загреб. За Stylist.mk Дарко раскажува за искуството на тамошната модна манифестација, која беше неговата задача и како изгедаше работата во бекстејџ.
-Да, неодамна се одржа модната недела во Загреб, и до овој ангажман дојдов на покана на мојот колега Саша Јоковиќ, кој ме одбра да бидам дел од неговиот тим. Мојата задача беше како и на сите останати колеги да ги разубавиме хрватските модели. Работата во бекстејџ изгледаше навистина професионално, а организацијата беше на завидно ниво. Одбрани модели, перфектни дизајнери, make up артисти, фризери и фотографи… Целата работа се одвиваше во една пријатна работна атмосфера.
Пред неколлку седмици на Fashion.hr
На Fashion.hr работеше со познатиот хрватски шминкер Саша Јоковиќ, успеа ли да „украдеш“ некоја идеја од него? Како беше да се работи со него?
-Саша Јоковиќ е мојот омилен makeup артист, премногу талентиран и навистина е уживање да се работи со него. Своето знаење несебично го подели со сите нас.
Дарко во Загреб работеше на покана на најпознатиот хрватски шминкер Саша Јоковиќ (прв од лево)
Што најмногу ти остави впечаток за време на престојот во Загреб и на Fashion.hr, може ли да направиш споредба меѓу тамошната и нашата модна сцена?
-Најголем впечаток ми остави тоа како се организирани и колку професионално се работи. Тамошната модна сцена е навистина прогресивна, а дизајнерите се многу талентирани. Имаше навистина предобри модели до перфекција во однос на креација и материјали, па сè до изработка. Во однос на нашата модна сцена ќе кажам дека сме навистина слабо организирани, а дизајнери имаме… Шминката за Fashion.hr навистина беше креативна, инспирирана од модни икони како Софија Лорен, па сè до денешен тренди изглед.
Изглед за Fashion.hr
Колку време се занимаваш со шминка и како се најде во оваа професија?
-Како професионален makeup артист работам десетина години. На почетокот самоук, за подоцна да учам и работам со мојата драга колешка Љупка Арсовска, која сега успешно работи во Њујорк, а секако ми помогнаа бројните посети на семинари и работилници. Досега имам работено на навистина многу проекти од секаков тип, кампањи, видеоспотови, со сите наши списанија, со нашите познати личности, на модни ревии…
Што е карактеристочно за твојот стил на шминкање, кои се твоите принципи за добра шминка?
-Мојот стил е препознатлив, тоа сум го слушнал од моите клиенти и сум среќен во однос на нивните коментари. Моите принципи за добар mаke up се секогаш добра подлога, а тука мислам на крем кој е соодветен на типот на кожа, потоа соодветна пудра која нема биде претешка, лесни контури и нагласени очи би било совршено и софистицирано.
Според тебе кои се трендовите за шминка за оваа сезона?
-Нагласени усни во црвена, темно црвена и боја на вино.
Омилени шминкери и козметички брендови со кои работиш?
Имам повеќе омилени, но ете ќе го издвојам Саша Јоковиќ, неговата работа е вистинска магија! Тоа го докажа и пред „Шанел“, бренд за кој е главен шминкер за регионот и неговата работа на насловни страници на Vogue, Elle, Marie Claire и многу други. Од брендовите некако најмногу сум врзан за козметиката на MAC, Make Up For Ever, и сите новитети и трендови кои ги лансираат водечките компании во makeup индустријата.
Изглед за Fashion.hr
Кои совети би им ги препорачал на Македонките во однос на шминкањето? На што да обрнат најмногу внимание и кои грешки да престанат да ги прават?
Не поднесувам надградба на трепки и кинеска тетоважа на веѓи. Во однос на шминката секогаш сум за некоја понежна варијанта, лесна пудра или BB крем, руменило, маскара и нагласени усни, ова е доволно за некој nekoj urban look.
Дел од работата на Мишовски
Нема коментари