Актерката Дејзи Ридли ја следеше темата на филмот „Војна на ѕвездите: Последниот џедај“ и на светската премиера на осмата епизода од епскот филмски серијал Star Wars се појави во црн светкав фустан со сребрени ѕвезди, креација на брендот Monse. Во светкаво расположение беа и актерките Гвендолин Кристи и Лупита Нионго, ако и Били Лурд, ќерката на Кери Фишер. Фишер која се прослави со улогата на Принцеза Леја, почина пред една година, мал период по завршувањето на снимањето на нејзината улога во „Последниот џедај“.
Дејзи Ридли во креација на Monse
Со оваа премиера во Лос Анџелес почнува походот на долгоочекуваното продолжение на Star Wars, а филмот неделава почнува да се прикажува во домашните кина. Во филмот покрај наведените актерки се појавува Марк Хемил, повторно е во улогата на Лук Скајвокер, а глумат и Џон Бојега, Оскар Ајсак, Адам Драјвер, Кели Мари Трен, Бенисио дел Торо, Лора Дерн… Според првите импресии и реакции на фановите на социјалните мрежи, ова е еден од најдобриот филм од серијалот.
Гвендолин Кристи, Били Лурд и Лупита Нионго
Џон Бојега, Марк Хемил и Лора Дерн дел од актерската екипа
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари