Кралицата Ранија од Јордан важи за една од најубавите жени во светот и една од најдобро облечените членови на кралските семејства, пред неколку дена на дизајнерската недела во Аман се појави во елегантна комбинација која може да инспирира во склопувањето на вашата следна деловна комбинација. Ранија која успешно спојува безвременски класични парчиња со трендовски модели, на дизајнерскиот настан се појави во бели килот панталони и темна кошула со едноставен крој украсена со вез, во комнинација со салонки и чанта со впечатливи, но не и премногу нападни детали. Ненападна е и нејзината шминка, што е секогаш совет за бизнис-имиџ, а косата е со нежни кадрици.
Оваа комбинација како силуета е доста погодна за на работа, а може да се прават варијации со елегантно здолниште со висока половина или поинаква блуза која е со деликатни украси и не го открива телото премногу.
Нема коментари