Најдобриот струковен моден сајт Business of Fashion кој се бави со обемни анализи на модата, трендовите и комплетната модна индустрија, го прогласи Демна Гвасалија, основачот на Vetements и креативниот директор на куќата „Баленсија“, за личност на 2016-та година. Во соопштението на BoF стои дека Демна ја заслужиш титулата поради севкупниот придонес во индустријата во минатата година.
- Во изминативе 12 месеци, грузискиот креатор воведе сензибилитет на couture во уличната мода преку Vetements, а во исто време сензибилитетот на уличната мода во она што го работи за „Баленсијага“ и притоа ја потресе модната индустрија на глобално ниво – се вели во соопштението на BoF.
Колекција на Гвасалија за „Баленсијага“ (есен-зима 2016)
Гвасалија во изминатата година стана најважниот дизајнер во индустријата. За својата последна колекција соработуваше дури со 17 модни куќи. Прв го постави прашањето за брзината и големите очекувања што модната индустрија им ги поставува на дизајнерите, па одлучи да прикажува само две колекции годишно за Vetements и на тој начин го покрена трендот кој брзо беше усвоен од големите брендови како „Барбери“, Том Форд и Томи Хилфигер. Демна е првиот креатор што направи машка колеција за „Бленсијага“, а ревијата за таа колекција ја отвори со капут кој припаќал на самиот основач на куќата, Кристобал Баленсијага, кој своевремено почнал да креира машка линија, ни никогаш не ја завршил.
Машка колекција на „Баленсијага“
Како нов креативен директор на „Баленсијага“, признава дека почувствувал голема одговорност.
- Да се дојде во оваа убава модна куќа која има толку големо наследство, да се прифати тој факт и да се спои со мојата естетика е неверојатно. Никогаш не би можел во „Баленсијага“ да го креирам она што го правам во Vetements, ама па и Vetements не го претставувам само јас, туку сите инволвирани луѓе – вели Гвасалија за балансирањето на својата естетика во „Баленсијага“.
Vetements
Нема коментари