Ова лето предлагаме да се освежите со нашиот нов омилен пијалак Frosè кој е на база на розе вино. Името е мешавина на англискиот збор frozen (замрзнато) и розе вино, а frosè брзо стана трендовски пијалак особено за оние кои го сакаат розовото вино. Исто така, изгледа доста привлечно поради розовата боја. Позитивната страна е и тоа што лесно се подготвува, потребно е само одредено време да се замрзнат состојките.
Еве еден рецепт за Frosè со јагоди. Потребни се:
• 750 мл розе вино
• 250 гр јагоди (свежи или замрзнати)
• 150 гр шеќер
• 120 мл вода
• 80 мл сок од лимони
Виното ставете го во пластичен сад и замрзнете го (потребни се околу 6 часа). Ако е виното замрзнато може да почнете да ги подготвувате јагодити и прво изблендирајте ги. Во сад измешајте ја водата со шеќерот и загрејте ги, а потоа во врелата мешавина додадете ги јагодите. Оставете го подготвениот сируп да се олади 30-тина минути. Исцедете го сокот лимон и него ставете го во замрзнувач барем 30 минути.
Кога сите состојки се замрзнати време е да се подготви коктелот. Измешајте го сокот од лимон со ладниот сируп и потоа додадете го замрзнатото вино. Препорачуваме за овој чекор да користите блендер, така состојките најдобро ќе се соединат. Послужете во декоративни чаши и украсете со парченца јагоди и свежо нане.
На Пинтерест може да најдете голем избор на рецепти за Frosè во кои се употребува и друго овошје, на пример малини или лубеница.
Нема коментари