Најгламурозната ноќ во календарот на малото кнежевство Монако е традиционалниот хуманитарен „Бал на розите“ на кој повторно блеснаа членовите на најгламурозното кралско семејство во светот. На 62-то издание на балот што викендов се одржа во свечената сала на спортинг клубот Монте Карло, во центар на вниманието беа децата на принцезата Каролина од Монако– Шарлот Казираги, Андреа Казираги со сопругата Татјана Санто Доминго, Пјер Казираги со новата сопруга Беатрис Боромео и најмалата ќерка на Шарлот, принцезата Александра од Хановер која за прв пат се појави на ваков поголем настан.
Принцот Алберт II од Монако, принцезата каролина и Карл Лагерфелд
Со години наназад модниот креатор Карл Лагерфелд го подготвува комплетниот дизајн на балот, оваа година темата беше Куба, а Лагерфелд во „Шанел“ ги облечене Каролина, Шарлот и Александра, додека најголемо внимание привлече Беатрис Боромео која носеше волуменозен фустан од црвен тул, дизајн на Џамбастиста Вали.
Андреа Казираги со сопругата Татјана, Шарлот Казираги, Александра од Хановер, Беатрис Боромео со Пјер Казираги
„Балот на розите“ го иницираше Принцезата Грејс од Монако во 1954 година, со идеја на едно место да се соберат членовите од кралските семејства и од високото општетсво за да донираат средства за нејзината хуманитарна организација.
Сестрите Шарлот и Александра во креации со неутрални тонови на „Шанел“
Големо внимание привлече црвениот фустан на Беатрис Боремео креиран од Џамбатиста Вали
Тропска Куба како тема на балот
Нема коментари