Светот жали по Кралица на плетивата , француската дизајнерка Соња Рикел, која почина вчера (25 август) на 86-годишна возраст, како последица на Паркинсовата болест. Една од пионерите на современата мода зад себе остави големо модно наследство. Препознатлива беше по лежерните плетива со пруги, како и по осовременување на францускиот шик и кабаре имиџ.
Родена е на 25 мај 1930 година во Париз, во еврејско семејство по потекло од Полска. На 17 години ја добила првата работа како уредувачка на излогот во еден бутик за облека. Подоцна се омажила со сопственик на бутик за елегантна облека. Во 1962 година, во текот на својата бременост, соочувајќи се со проблемот да најде соодветна облека за трудници, почнала да дизајнира модели за себе. Рикел ја отворила првата продавница во мај 1967 година за време на студентските протести во Париз.
Првата насловна со нејзина креација на магазинот Elle во 60-тите
Почнала со фустани за бремени жени и со тенки џемпери. Подоцна џемперите стана нејзин заштитен знак и често ја нарекуваат “кралица на плетењето”. Интересно е што славниот џемпер претрпел седум корекции, таа го враќала на преплетување сè додека не ја добила формата што ја посакувала. Првата волнена маица го добила името “Сиромашно момче”. Моделите првично ги продавала преку брендот на нејзиниот сопруг -”Лаура”. Набрзо се нашле на насловната страница на магазинот Elle и така се прославила.
СЕ популаризира во60-тите години со плетените креации
Таа е првиот дизајнер што ги ставилa шевовите на надворешната страна на облеката и што испечатила зборови на своите џемпери. Најчесто користише беж, сива, темносина и графит-боја. Таа ги преферираше долгите модели на џемпери, малите пуловери, масивните превиткан манжетни и долгите шалови. Има напишано многу книги, вклучувајќи ја и “Од А до Ш за модата” и серијал книги за деца.
Во 1980 година е прогласена за една од 10 најелегантни жени во светот. Таа докажа дека плетењето може да ги следи трендовите. Таа експериментира со формите на плетени модели, но и со нивните бои. Со помош на волната во различни бои, таа плете разни слики и приказни на џемперите. Плетките потсетува-ат на принтана композиција.
Во друштво на култните дизајнери-современици на Рикел
Во текот на Модната недела во Париз во 2003 година, Рикел ја прикажа и својата прва пролетна колекција, која изобилуваше со винтиџ-модели со цветни дезени и во полка-стил, со точки. Бизнисот на Соња се прошири во САД. Со помош на својата ќерка, која исто така се занимава со мода, отвори престапништво во Њујорк. Има соработувано со повеќе уметници, а најинтересна ѝ е работата со изведувачот Малколм Мекларен, кој ја напиша песната Who the Hell is Sonia Rykiel? која се најде на неговиот албум во 1995 година.
Иако е препознатлива по плетените облеки, сепак имаше развиено широка палета на производи од различни други материјали. Но сите го задржуваат францускиот шарм, што беше нејзин заштитен знак. На прагот на својата 80-та година Рикел ја откри својата втора младост станувајќи главен дизајнер на познатиот бренд за секојдневна младелачка облека Х & М. Со љубопитност на дете, енергија на девојка и мудрост на искусна дама, таа влегуваше во секоја нова модна сезона. На местото уметнички директор во својот бренд беше до 1995 година, по што ја наследи нејзината ќерка. Изминативе две декади активно ја следеше работата и развојот на брендот. Во 2009 година доби Орден на Легијата на честа, како признание за 40-годишното залагање во француската модна индустрија.
Во 2009 година доби Орден на Легијата на честа, како признание за 40-годишното залагање во француската модна индустрија.
Секогаш беше со уникатни и сексапилни идеи. Нејзините модели се женствени, екстравагантни, но носливи. Нејзината колекција пролет-лето 2010, што ја прикажа на Модната недела во Париз, беше една од највпечатливите. Понуди модели во стилот на 40-тите. Нејзина муза биле проститутките од париските квартови.(А.Н.)
Нејзината работа ја наследи ќеррка ѝ Натали Рикел
Нема коментари