Во светот каде што владее декаденција, тривијалност и хипокризам во сите сфери на човечкото живеење, на крај секогаш сè се сведува на прашањето – што е всушност убавината на живеењето. На создавањето. На творењето. На ова прашање нашата позната модна дизајнерка Јована Филиповиќ имала потреба да одговори на свој начин, преку колекција. Новата линија за есен-зима 2016/17, наречена „Големата убавина“ (The Great Beauty), ќе биде промовирана на отворањето на 14-тото издание на Моден викенд-Скопје в недела (30 октомври) во „Скопје Мериот Хотел“.
-Испирација за колекцијата ми е италијанскиот филм La grande bellezza („Големата убавина“) на Paolo Sorentinni. Секој детал, момент и разговор од тој филм ми е фасцинантен… Првичната идеја за локацијата ми беше со поинаква замисла, меѓутоа, како што прогресираше колекцијата сфатив всушност дела локацијата е одлична и тотално се надополнува на целата идеја и инспирација… Драго ми е што колекцијата ќе ја претставам премиерно на Модниот викенд. Пред точно 14 сезони, или седум години за прв пат учествував на оваа манифестација со моден перформанс. Следеа изложби на модни илустрации и после победата на изборот за најдобар дизајн за шише на „Пелистерка“ продолжив да учествувам со модни ревии. Пораснав со оваа манифестација и навистина ми е драго поради тоа. Моден викенд е единствен настан кој што континуирано работи на развојот на модната сцена во Македонија, и доколку не би постоел навистина не знам како и каде модните креативци би можеле да ги презентираат своите идеи и колекции - вели Филиповиќ.
Боите и овој пат се внимателно употребени и даваат добар завршеток на поголемиот дел монохроматски парчиња
>> Препознатлива си по со својот минималистички стил и кокетирање со машкиот крој, кој умешно го применуваш во женствени креации. Во каков стил ќе бидат новите креаци и какви парчиња, бои и материјали ќе домининираат?
- Минимализмот е дел од сè што правам, сè што создавам и творам. Колку и да сакам не можам да избегам од таа „чистотата“ во дизајнот. Исто како и од играњето и употребата на машкиот крој во женските креации. Женствената сексуалност е прикажана на повеќе различни начини и преку различни креации. Боите и овој пат се внимателно употребени и даваат добар завршеток на поголемиот дел монохроматски парчиња.
>>Колекцијата е поддржана од „Пелистерка“. Како настана оваа соработка и колку е важно за модните креатори да добијат поддршка од ваков тип, колку треба компаниите и институциите да се вклучат во модната индустрија кај нас?
- Соработката со компанијата „Пелистерка“ почна уште пред скоро четири години, кога ја добив наградата за најдобар дизајн на модно шише за нивната вода „Пелистерка“. Оттогаш имаме неколку заеднички соработки, меѓу кое би го издвоила и последниот календар за 2016 година на кој работевме со македонската женскиот ракометен тим на „Вардар“. Кога македонската модна индустрија би имала поддршка од повеќе компании и државни институции, верувам дека прогресот на модната сцена и шансите за успех и надвор од нашите граници би биле поголеми.
Јована: Колку и да сакам не можам да избегам од таа „чистотата“ во дизајнот. Исто како и од играњето и употребата на машкиот крој во женските креации
>>Talent is the new sexy e темата на претстојното издание на Моден викенд. Дали со твојата колекција се надополнуваш на ова мото?
- Една преубава тема, која тотално се вклопува во денешното општество, каде што, за жал, вистинската уметност сè повеќе и повеќе ја губи вистинската и правата вредност, а се воздигнува и цени хедонистичката реалност на површното. Затоа топло би го препорачала филмот на Paolo Sorentinni, во кој убаво и успешно ја објаснува таа апсурдност на 21 век.
>> Какви се плановите за новата колекција по ревијата? Дали ќе се претставиш на друга манифестација… што е во твојата агенда до крајот на годината?
- Новата колекција ќе може да се купи во моето студио, онлајн и во ново отворенота концептуална продавница/кафуле Wonderlust. За друга манифестација сега засега немам планови. Планирам да почнам со работа за новата колекција за следната сезона и да продолжам со континуираната работа со клиентите.
„Пораснав со FWSK и навистина ми е драго поради тоа. Моден викенд е единствен настан кој што континуирано работи на развојот на модната сцена во Македонија, и доколку не би постоел навистина не знам како и каде модните креативци би можеле да ги презентираат своите идеи и колекции„-вели Филиповиќ
>> Редовно правиш фотоприказни за своите колекции, најчесто во соработка со твојата пријателка, блогерката Јована Зука. Дали е во план нова сесија?
- Јована Зука е дел од сè што создавам. Како најдобар пријател, соработник, фотограф и вечна инспирација. Во план е нов едиторијал за кој што деталите ќе ги откријам после ревијата.
>> Пред скоро две години почна со работа твоето ново студио во центарот на Скопје, како функционира просторот до сега и колку наоѓаш инспирација во него?
- Новото студио фукнционира како шоурум и како модно студио во кое што секојдневно работам и творам. А инспирацијата ја наоѓам насекаде. И во студиото и надвор од него.
Во план е нов едиторијал за колекцијата есен-зима 2016
1 коментар