Руски сказни или париски инспирации, модната дизајнерка Олгица Ѓоргиева пронаоѓа вдаховение на различни места, теми и термини како „Вечност“ и „Безвременост“, овојпат за сезоната пролет-лето 2015 се инспирираше од бајки и планира колекцијата да ја претстави преку моден перформанс кој ќе се одржи во недела, 5 април, во рамките на новото издание на Моден викенд-Скопје. Локацијата е овосезонската база на на манифестацијата, катната гаража „Солунски конгрес“. Олгица додека се подготвува за претставувањето на FWSK ни откри делови од колекцијата и инспирацијата, а најави и неколку новини – лансирање на детска колекција и редефинирање на нејзината работа. Ни рече дека планира во иднина да ќе менува дел од концептот на работа и точно ќе се дефинираат гранките кој што ќе ја сочинуваат брендот ГО Ѓоргиева Олгица.
Според програмата престојниот Моден викенд-Скопје своја завршница ќе има со твоето претставување, односно перформанс преку кој ќе ја откриеш новата колекција. Зошто токму перформанс и како замислуваш да изгледа?
- Во договор со организацијата на Моден викенд-Скопје одлучивме овој пат тоа да биде моден перформанс . Ќе се направи спој помеѓу мода и танц, а корографијата и сценариото на перформансот ќе го изработат луѓето од танцовиот клуб „Прима данца“.
Што те инспирира овојпат за новите креации?
-Оваа колекција ќе биде насловена како „Одбери ја својата бајка” или Chose Your fairytale. Самото име кажува за што ќе станува збор, а воедно се поклопува со трендовите за сезоната во кој влегуваат бајките и балерините како инспирација.
Детаљ од новата колекција што Олгица ќе ја презентира на Моден викенд-Скопје
Какви парчиња и форми, бои и материјали се застапени оваа сезона?
-Претежно ќе бидат застапени посвечени крации, со оглед на периодот кој следува. Во однос на боите ќе бидат застапени црна, бела, циклама, розова, а во однос на материјалите тантела, органтин и стилизирани сатени жоржети .
Колку е важно да се колекцијата да се се води од светските модни трендови и да се дефинира за каков тип на жени е наменета?
-Јас иако не сум дизајнер кој слепо се држи до трендовите, сепак не можам да ги заобиколам. Ќе се забележат неколку елементи кои ги сочинуваат трендовите за оваа сезона. Колекцијата е наменета за девојки/жени кои сакаат уникатни парчиња со ексклузивен дизајн, кои сакат макар и со еден поинаков детаљ да бидат поразлични од другите.
Во план ти е да се посветиш на креирање детска линија…
-Оваа идеја ја имам со години и би сакала што поскоро да ја реализирам. Навистина чувствувам возбуда за овој проект. Најверојатно во модниот перформанс ќе бидат вметнати и неколку детски модели кои ќе бидат како тизери или најава за тоа што ќе следува од Олгица Ѓоргиева. Станува збор за дизајнерски парчиња детска облека која ќе биде наменета за одредена пригода/свеченост.
Минатата година имаше неколку проекти, кои ти се плановите после прикажувањето на колекцијата на FWSK и за остатокот од годината?
Изминатава година беше доста активна: Колкција за бизнис жени, линија на маички, награда на Bugarija fashion week, две стандардни колекции… Ќе има концептуални промени во ГО Ѓоргиева Олгица, кои ќе ги дадат насоките за тоа што ќе следува понатаму. Како и да е, една од главните цели е зацврстување на позицијата и одење на нареден чекор. Меѓу другото е и онлајн продажба. Освен детската колекција, ќе пуштиме и уште една колекција која ќе биде базична и која ќе биде доста практична и во принцип потребна и корисна за купувачите.
Нема коментари