Флуоресцентни модели, секси сандали со високи потпетици и патики со животински принт има во колекцијата на чевли што Џенифер Лопез ја креира за DSW Designer Shoe Warehouse. Лопез вели дека моделите а обувки се инспирирани од трите града на чија релација живее – Њујорк, Мајами и Лос Анџелес. Признава дека отсекогаш сакала убави чевли, уште од времето кога живеела во Бронкс и уште не била позната, и морала чевлите да ги износува докрај, додека не им направи дупка на ѓонот. „Ги носев до моментот кога ќе почнев да го чувствувам бетонот под стапалат“.
Лопез кога ја опишува нејзината страст кон чевлите се навраќа на еден момент од пред 20 години што ја кристализирал нејзината врска со обувките. Била на турнеја низ Европа за да го промовира првиот албум On the Six и се одмарала сама во својата хотелска соба. Во еден момент влегла во другата соба од нејзиниот апартман и се прашала како ли се нашла во оваа прексрасна соба во која биле распоредени нејзината гардероба и имало мнооогу чевли на подот. „О Боже, ова се случува. И тоа на девојчето со дупки на чевлите. Чевлите на подот преставуваат многу повеќе од само чевли. Тие претставуваат сон, успех и достигнување. Отсекогаш сум имала таков афинитет. Ми стана симбол и никогаш не заборавив како се чувствував во 4 часот наутро во таа хотелска соба во Лондон“, вели таа за тој миг со чевлите како симбол дека успеала.
Додека ја креирала оваа линија на чевли, целта ѝ била тоа да се обувки кои изгледаат луксузно, но не се многу скапи. Цените се движат од 59 до 189 долари. За пролет 2020 таа предлага сандали и влечки во флуоресцнентни бои, модели со нитни и кристали, сандали со ремчиња за врзување, патики и чизмички. „Њујоршката страна на колекцијата се патиките и чизмичките, Мајами во кој наголем дел од годината живеам значи плажи, топски стил, неонски бои, секси изглед, а Холивуд е гламур, филмски ѕвезди, ноќен гламур и сандали со високи потпетици, со светки и кристали“, вели Лопез за инспирацијата.
Нема коментари