Иако најчесто ја избегнуваме во топлите сончеви денови, сепак, многупати се покажало дека црната боја може да најде место во летниот изглед. Со изборот на соодветен модел, материјал и крој може да ја носите преку ден, па дури и на плажа, каде што подолго време сте изложени на сончевите здраци. Урбаните девојки од големите модни центри покажаа дека изборот на дизајн и на удобен материјал е приодитет во купувањето на модел со оваа боја в лето. Се препорачуваат памучни или лелени парчиња, а посмелите може да се одлучат и за транспарентни креации или модели од тантела.
Во црно од глава до пети на плус 40
Во црна боја може да бидат и сега многу актуелните фустани и блузи со голи рамена, кои може да ги комбинирате со сандали, римјанки или патики. Не плажете се да составите целосно црн стајлинг на плус 40, вклучувајќи и црн сламен шешир, што е во тренд. Балон фустани или блузи со нагласен волумен ќе озожможат комоција и удобно движење цел ден. Исто така може да се одлучите за мал црн фустан, или за мини-креација што ќе ги открие вашите нозе.
Долг црн памучен фустан за лежерен изглед цел ден
За полежерните и класични девојки тука се долгите памучни фустани на прерамки со длабок шлиц. Кои може да ги носите и навечер,со сандали на високи потпетици, но и преку ден, со патки еспадрили или римјанки. Долгите широки панталони и колотките од лесен материјал и во црна боја исто така се прилагодливи за оваа лето. Комбинирајте ги со маичка со прерамки или со фустан-блуза. Ова лето доста се носат и црните комбинезони во повеќе должини. На плажа можете да носите кимоно или кафтан во оваа боја.
Модел со нагласен волумен во кој ќе се чувствувате удобно во текот на топлиот ден
Со комбинезони, и долги фустани-елегентни и преку ден
Летна варијанта на малиот црн фустан
Црна тантела и во дневните стајлинзи
Нема коментари