Книга и изложба со најлегендарните фотографии со креации од „Диор“
Постојат модни куќи со толку многу богата долгогодишна историја, но и со збирка на легендарни фотографии кои ги илустрираат одредените периоди на брендот. Таков е примерот на париската куќа што го носи името на Кристијан Диор, која секогаш како прироритет ги има елеганцијата и драматичниот изглед, како во времето на Кристијан, така и во годините кога за „Диор“ работеа Ив Сен Лоран, Марк Бохан, Џанфранко Фере, Џон Галијано, па сè до новиот креативен директор Раф Симонс. Дел од највпечатливите фотографии се спакувани во книгата „Диор: Легендарни слики“, во издание на Rizzoli, а потоа ќе бидат прикажани на изложба во музејот на Кристијан Диор во Гранвил, која што ќе биде отворена на 3 мај. Во книгата и на изложбата ќе бидат прикажани дела од најзначајните фотографи од минатиот и овој век – Сесил Битон, Ирвинг Пен, Ричард Аведон, Норман Паркинсон, Хелмут Њутон, Патрик Демаршелие, Инез Ван Ламсверде/ Винуд Матадин…
Моделот носи елегантна шапка од колекција од 1955 година, а фотографијата е на Хенри Кларк
Една од најелегендарните фотосесии во модната историја: Манекенката Довима позира во фустан од 1955 покарј слонови пред објективот на Ричард Аведон
Фоотграфското дуор Инез Ван Ламсверде и Винуд Матадин со понов модел од „Диор“
Патрик Демаршелие: Креација од колекцијата „Ко-ко-сан“ (2007)
Норман Паркинсон: Моцарт-фустан од колекцијата на висока мода од 1950 година
Сесил Битон: Фустан од есенската колекција од 1951 година
Легендарна фотографија која го илустрира новиот изглед на Кристијан Диор (1947)
Паоло Роверси: Силуета од колекцијата на висока мода, есен-зима 2013/14
Нема коментари