Во бранот трендови што се вратија од 90-тите години се алките на нога, кои ќе се носат претстојното лето. Во своите летни колекции ги понудија неколку модни куќи и дизајнери, меѓу кои Chloé и Calvin Klein. Ако во минатото алките на глужд најчесто се носеа со отворени обувки и на плажа, сега ќе имаат поурбана примена, а најдобра комбинација се со сега доста актуелните спортски патики и модели на дебел ѓон. Тука се и високите потпетици и салонките, кои може да се комбинираат не само со метално синџирче, туку и со кожена алка или таква со мониста во боја.
Облеката може да биде најразлична, од лежерни летни фустанчиња и шорцеви, па се до миди здолништа, долги фустани, килот-панталони, или фармерки и долги панталони, кои може да ги подвиткате. Ако сакате овој накит за на нога дискретно да го дополни вашиот имиџ, изберте тенка алка со ситни додатоци (пеперурки, цветови, фигури…). Посмелите може да набават впечатлива алка со циркони и светкава мониста, или подебел обрач.
Нема коментари