Брендот за чанти и торби Pilotto Bags можеби е роден во Белград, како производ на шпанската дизајнерка Лорена Винагре Силва, ама сега сосема добро функционира во Македонија. Шпанката Лорена живеела во повеќе европски градови, но сега со семејството е стационирана во Скопје и токму тука го расте брендот препознатлив по суперлесните торби направени од издржлива хартија, кои имаат практични форми, но и дизајнерски решенија, а може да се најдат најдат на македонскиот шопинг сајтот Bastet Noir. Неодамна дизајнерката направи промотивна кампања со манекенката Елена Трајановска и фотографот Дарко Мораитов со новите парчиња од летната линија. Ја исконтактиравме Лорена помеѓу едно патување до Мадрид и назад во Скопје, и посакавме да ни раскаже како се роди идејата за својот бренд. Pilotto Bags е прв моден бренд на Лорена. Таа со години работела во модната индустрија, прво како манекенка, потоа како фотографка. Подоцна во Мадрид имала можност да соработува со шпанскиот дизајнер Дејвид Делфин, кој како што вели дизајнерката, ѝ претставил нова призма за модата и дизајнот. Во периодот до 2011 година работела за шпанската компанија Inditex во различни европски земји. Потоа го почнува да го реализира концептот на Pilotto Bags.
-Целата идеја на Pilotto Bags започна од мојата лична потреба за патување и постојано носење рачни торби и багаж, и кога сфатив дека материјалите што се користат за вакви торби се многу тешки дури и кога се празни. Во истиот период еден мој пријател ми донесе подарок од САД направен од фантастичен материјал наречен tyvek, свиленкаста, мазна и исклучително силна ткаенина, па почнав да истражувавам низа цела Америка повеќе за тоа. Неколку месеци подоцна го имав материјалот и ја тестирав првата Pilotto Bags чанта на мене, ја носев по цел ден и резултатите не можеа да бидат подобри – изјави дизајнерката.
Според Лорена идејата на Pilotto Bags е да се направат поедноставни и полесни креации, со помош на иновативен материјал кој озвозможува карактеристичен изглед. Торбите се модерни, функционални и направени од еколошки материјал.
-Материјалот за чаните е ултра лесен и исклучително силен, што ни дава паметен избор за оние денови кога патуваме, имаме многу активности во градот, се грижиме околу со децата… Дизајните на Pilotto Bags нудат флексибилност со нашите ранци, како и практичност при патување со минималниот рачен багаж и кежуал изглед сo торбуте за секој ден. Pilotto Bags е револуционерен избор и начин на размислување – ни кажа Лорена.
Дизајнерката од Мадрид во Скопје живее една и пол година и ни откри дека уште од почеток почувствувала дека Шпанците и Македонците се многу блиски по менталитет и слични на начинот на размислување и искажување љубов кон семејството и пријателите. Поради сето тоа ѝ било лесно да се адаптира на скопскиот живот.
-Тука во Македонија набљудував какви активности имаат луѓето, за да видам какви торби им одговараат на нивните потреби. Дознав дека тука луѓето користат средни до големи чанти, особено кога имаат активности преку цел ден, тоа е причината за секојдневен изглед на tote-торбите креирани за ова лето, шарени и забавни торби што може да ги носите преку целиот ден. Pilotto работи со македонски компании и локалната индустријакоја ме поддржа уште од самиот почетокот на брендот. Што можам да кажам освен дека ми е многу мило што сум тука и работам со моите македонски пријатели – вели дизајнерката.
Една од последните новости е соработката со домашната интернет продавница Bastet Noir кои прифатија креациите од Pilotto Bags да станат дел од нивниот проект, а толму на таа онлајн дестинација може да се купат и последните летни модели. Лорена ни рече дека е во финалната фаза од преговорите да почне да продава свои дизајни во познатата белградска концептуална продавница Supermarket Concept Store , а наскоро и на други сајтови и бутици во регионот.
Нема коментари