Оскаровката Лупита Нионго чекори по црвениот, поточно пурпурниот килим на премиерата на Марвеловиот „Црн пантер“ облечена во пурпурно виолетов фустан од линијата на висока мода Atelier Versace. Долгиот виолетов фустан со златни украси всушност е направен по нарачка на актерката, која на премиерата на првиот филм со црни херои во главните улоги сакала да изледа како принцеза воин. Стилистката на Лупита, Михаела Ерлангер, вели дека изгледот на Нионго е „жесток“ како и нејзиниот лик Нака во „Црн пантер“.
А пурпурниот килим и пурпурната боја на фустанот на Лупита не се случајни, но немаат допирна точка со бојата на годината според Pantone – пурпурно виолетовата. Ова боја симболизира моќ и благородност, а со златните делови налик на шик оклоп на воин, е финализирана идејата да се направи изглед на принцеза воин. Стајлингот на Лупита е довршен со старински накит и фризура во стилот на африканските фулани плетенки.
Дрескодот на премиерата на „Црн пантер“ беше кралски изглед, оттаму повеќето актери и гости се појавија во изледи со референци од различни традиции од африканската култура – Џанел Моне носеше кралска круна и африкански накит, Анџела Бесет исто така се појави во накит и облека инспирирани од црниот континент, Даниел Кулуја облече сако на „Барбери“ врз канзу (традиционалан облека од Уганда), Чедвик Босеман носеше сако од „Емпорио Армани“ со виолетово-златни шари, а беа забележани и други стајлинзи во кои доминираа златно-виолетовата и африканските принтови.
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари