Познати македонски фризери и стилисти, како и учесници од регионот на 18 јуни (недела) ќе се обединат со хуманитарна цел во „Музејот на современата уметност“. Настанот под мотото „Мајсторите за мајсторот“ кој е во организација на Здружението на фризери „Hair fashion group“ со почеток во 19 часот, е замислен како двочасовно шоу на терасата на музејот, на кој публиката ќе има можност на несекојдневен начин да ужива во најновите трендови за фризури и шминка.
Имено, собраните средства од фризерскиот спектакл ќе бидат наменети за лекувањето на стилистот Љупчо Петрушевски, попознат како Бубе „Ин“, за кое се потребни 20.000 евра. Во недела посетителите ќе лицитираат и за неколку потпишани дресови од машкиот ракометен клуб „Вардар“.
Покрај големиот број на колеги на Петрушевски, настанот го поддржаа и: Loreal peofessional, Revlon professional, Arfan oil, Tesa konsaut, Lakme, Trend up, Rera, Inebria, Farma vita, Alfaparf, Subrina, Sensience, Schwartzkopf, Wella, Framesi, Keune , Red cat, Moda cosmetics,VST Models, Podium model agency, Fashion weekend Skopje, NAN DEMO, Polyesterday, Gemak, Be human, Винарија Тиквеш, Божиновски, Пелистерка, Винотека Темов, Хотел Парк, Занаетчиска комора на Скопје, Министерство за култура, Скопски саем.
Медиумски покровители: ТВ Телма, ТВ Сител, Антена 5, ТВ Канал 5, Стоп ТВ, ТВ 24 вести, hitmedia.mk и Томато продукција. Веднаш по шоуто на истата локација, на отворено ќе се одржи и забава.
- Ние фризерите, колеги и пријатели на Бубе, се обединивме како едно хумано семејство за да му помогнеме да добие уште една битка и да продолжи да прави чуда со своите магични раце. Се надеваме дека настанот ќе прерасне во традиционален и дека и во иднина ќе им помагаме и на други на кои им е најмногу потребно -велат организаторите.
Со цел собирање на потребните средства на самиот влез во музејот ќе се продаваат билети по цена од 500 денари.
Нема коментари