Директно од Валета, Малта, за Stylist.mk известува новинарката Ана Маткова. Таа направи преглед на првите денови на Malta Fashion Week кога се претставија познатата шпанска дизајнерка Агата Руиз Де Ла Прада, Емерик Франсоа од Франција и локални креатори
Ако ги прашате жителите на малиот остров што за нив е култура, модата најверојатно нема да се појави како интуитивен одговор. Сепак, модната недела на Малта како дел од програмата Валета 2018, е церемонија која привлекува над 13.000 посетители. Валета како Европски град на културата е совршена локација за престижни настани, во годината кога се одбележува 20-тото издание на модните награди на Малта. Во текот на оваа недела, таа станува платформа за се она што локалната модна индустрија може да и го понуди на меѓународната сцена.
Ágatha Ruiz De La Prada
Околу 19 локални дизајнери ги презентираат своите колекции на јавноста, заедно со меѓународни дизајнери од Србија, Италија, Франција, Романија, Грција и Шпанија. Тие, заедно со манекените, стилистите, шминкерите и многу други креативци и професионалци се присутни на сцената до крајот на викендов.
Parascandalo
ChamiliaMaltaFashionAwards се случува веднаш по завршувањето на модната недела, кога се одржува церемонијата на доделување на награди.
Модната недела на Мерцедес-Бенц Малта е настан на квалитетни модни ревии и забави, кои ги достигнуваат стандардите на слични модни недели во другите престолнини низ светот.
Модната недела се одржува во тврдината St.Elmo во Валета
Eymeric Francois
Yana’s Jewellery (collection Colores del Flamenco)
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари