Без разлика дали врне дожд или не,дали е ветровито или ведро, мантилот е секогаш модна опција во есенскиот период и е идеално модно парче за променливото време карактеристично за преодот од лето во есен. Никогаш не излегува мода, особено оној класичниот модел – должина над колена, во беж нијанса, со џепови, ремен со тока и еполети.
Синоним за класичниот британски стил,за да го откриеме потеклото на оваа облека треба да отпатуваме во минатото. Поточно се навраќаме на 1879 година кога Томас Барбери ја измислил ткаенината габардин без да биде свесен дека ќе остави огромен печат во модната индустрија. Класичниот модел од габардин на Барбери и денес е константа во модата.
Мантилот во својот класичен изглед го носиме скоро век и пол, но исто така постојано се менуваат трендовите на ова модно парче, во однос на должината, кројот, бојата и различните материјали. Во класична или трендовска форма, мантилот е едно најразновидните модни парчиња на есента, лесно се комбинира и се вклопува со секаков стил.
Нема коментари