Додека трае еуфоријата на Оскарите да им се посветиме и на мажите и нивниот изглед на црвениот килим. Најчесто сме сконцентрирани на вечерните тоалети и накито што дамите го носат таа вечер, но внимание заслужуваат и машките ѕвезди. На поканата за Оскарите стои дека треба да се носи формална облека, вечерен изглед кој подразбира смокинг и задолжително носење на пеперушка или вратоврска. Оние што сакаат да изгледаат уште посвечено ќе изберат black-tie formal, односно смокинг и црна пеперушка.
На Оскарите 2019 повеќето мажи го следеа дрескодот. Доминираа црно-белите комбинации, а од дизајнерите најмногу видовме смокинзи со потпис на Том Форд, како на приме Џо Елвин, Бредли Купер, Мајкл Б. Џордан и Алекс Родригез.
Оскаровецот Рами Малек избра црн смокинг креиран од Ентони Вакарело за „Сен Лоран“. Другиот актер оскаровец Махершала Али носеше костум на Зења, но со кошула со руска крагња и без вратоврска.
Крис Еванс, Ричард Е. Грант, Мајкл Б. Џордан избраа сакоа во боја што не е црна, а Стивен Џејмс се појави во костум во бордо боја на „Етро“.
Николас Хојт носеше сако со необичен крој (и непотребна лента од страната), креација на „Диор“. Кристофер Бејл и Хавиер Бардем избраа комплетно црн изглед.
Класичен холивудски изглед на Виго Мортенсен, Хенри Голдинг и Тревор Ноа.
Поинаков изглед имаше Чедвик Босеман кој избра интересна комбинација на „Живанши“, и иако не е класичен смокинг, се најде на листата на најдобро облечени. Најтокачено изгледаа Џејсон Момоа, Спајк Ли, Томи Хилфигер и Фарел Вилијамс, кои спротивно на дрескодот. Момоа носеше розов костум, дизајн на Лагерфелд за „Фенди“, а сите се загледаа и во неговиот scrunchie-стегач (Да, со потпис на „Фенди“). Дизајнерот Хилфигер носеше карирано одело, режисерот Ли пурпурно виолетов комплет и многу прстени, а Вилијамс дојде во бермуди.
Сепак надвор од сите категории беше Били Потер кој носеше микс на смокинг и фустан. И веднаш стана предмет на безброј мемиња.
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари