По изложбата во Public room во средата, дизајнерката на модни додатоци Катерина Микрут, која твори под брендот Mikka design, на 8 април (сабота) ќе се претстави во Тирана. Нејзините чанти, ранци, сандали и други модни додатоци, кои се изработени од рециклиран материјал и кај кои доминираат плетивата, ќе бидат изложени во рамки на проект за културен развој на т.н. Нов пазар во Тирана.
– Проектот има за цел преку културни настани, како што се концерти, претстави, книжевност и штандови со уметнички изработки да ја промовира оваа прекрасна локација исто така во вечерните часови. Настанот собира на едно место уметници од разни области. За мене ова ќе биде прво претставување надвор од Македонија. Во рамки на промоцијата на моите најнови креации од колекцијата Exploring Industrial ќе одржам и работилница за редизајн на чевли-вели Микрут, чии модели сè уште можеда се погледнат во Public room.
Катерина Микрут креира модни додатоци под брендот Mikka design
Микрут – дизајнерка која пред неколку години ја создаде етикетата Микка до нејзиното неформално образовање дошла преку работата и упорно создавање. Зад неа има неколку колекции како од облека, така и од додатоците и накит., презентирани досега на модните настани во Скопје и Битола. Главните инспирации се самите материјали, нивните комбинации, експериментирање со нив, пренаменување, реупотреба, рачни техники на изработка – пред сè плетењето.
-Најновата линија ја сочинуваат чанти и сандали како и други модни додатоци. Во последно време главна тема на интерес ми е индустриал момент, кој што сепак има во позадина природа. Така и во креациите индустриски материјал на кој не му е мода како главна примена, пренасочен, се појавува покрај природните материјали. Креации ги создавам врз основа на диалог со материјалот – материјалите преку работа со нив ги кажуваат своите својства- се ресам или не, се преклопувам се виткам се врзувам се лепам држам форма, се тегнам сам не ме бива но искористи ја мојата транспарентност во комбинација со нешто друго…пробај да ме сплетеш. Делото се создава во тек на овој диалог и многу ретко неговата финална форма е одлучена пред да почнам со работа. Во нејзините креации одбира форми кои го поддржуваат експериментирањето, пред се геометриски а минимализам на формите е збогатен со експресија на рачни доработки. Овој начин на креација бара постојана посветеност во посматрање на околината и предмети околу нас-вели таа.
Во Тирана ќе одржи работилница за редизајн на стари чевли
Ова е прва колекција на чевли на Микрут, кога три години работепе на поправки и ументнички редизајн на обувки.
-Сега доаѓа време на новите. Во чевларските креации размислувам пред сè на склоп помеѓу функционалноста и карактеристички црти од мојот дизајн – геометриски форми и експериментални комбинации на материјали, присуствио на традиционални техники во модерна изведба. Чевлите се вистински предизвик во кој сакам да продолжам-вели таа. (А.Н.С.)
Деновиве во Public room ја претстави новата колекција Exploring Industrial
Во новата линија застапени се чанти и сандали
Нема коментари