Светкави клач-чанти, впечатливи дијамантски обетки и скапоцени прстени беа главните модни додатоци на доделувањето на „Златен глобус“. Своите гламурозни тоалети холивудските актерки ги надополнија со гламурозни модни детали. На црвениот килим на настанот беше прошетан накит во вредност од стотици милиони долари, а само скапоцените парчиња што Ејми Адамс ги носеше таа вечер чинат осум милиони долари. Актерката Џенифер Лоренс за малку ќе изгубеше една од своите дијамантски ал, Хајди Клум и Сандра Булок се определија за прстени со црн дијамант, Дру Баримур носеше накит од „Шанел“, а за поголем контраст Наоми Вотс сребрениот фустан го комбинираше со златен накит од “Булгари“. Џими Чу и Кристијан Лубутан беа омилени дизајнери за чевли, а во однос на чантите, скоро сите актерки се одлучија да носат мали клач-чанти.
Џенифер Лоренс носи долги обетки од Нил Лејн
Емилија Кларк носи пудресто розева чанта, дијамантски прстени и алки од жолто злато
Ејми Адамс со дијамантски накит од Лорејн Шварц во стилот на 70-тите
Чевлите на Зое Дешанел беа накитени со ситни бисери
Кејт Бланшет со обетки од „Шопард“
Дру Баримур носеше чанта од Еди Паркер и накит од „Шанел“
Маргот Роби избра обетки со дијаманти
Нема коментари